	Veðurstofa Íslands Jarðeðlissvið

Jarðskjálftar 20130826 - 20130901, vika 35

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 250 jarðskjálftar voru staðsettir í vikunni og 3 sprengingar. Stærsti skjálftinn var 2,5 með upptök í Öxarfirði þann 29. ágúst. Engar verulegar jarðskjálftahrinur voru í gangi.

Suðurland

Á Hengilssvæðinu mældust einungis 6 jarðskjálftar. Tveir voru í Reykjadal og tveir við Ölkelduháls og tveir vestan við Hengil. Stærsti skjálftinn var 1 að stærð.

Á Suðurlandsundirlendinu mældust um 35 jarðskjálftar og voru upptök þeirra dreifð eftir brotabeltinu frá Hjallahverfinu í vestri og austur í Landsveit. Stærstu skjálftarnir voru í Landsveit, við Svínahöfða vestan við Haukadal og voru þeir tæplega 1 að stærð.

Reykjanesskagi

Tveir skjálftar að stærð 1 og 1,2 voru suðvestan við Reykjanestána á Reykjaneshrygg.
Um 13 jarðskjálftar voru á Krýsuvíkursvæðinu. Sá stærsti tæplega 1 að stærð.
Þrír jarðskjkálftar áttu upptök við Brennisteinsfjöll þann 29. ágúst og var sá stærsti 1,6 að stærð.

Norðurland

Um 70 jarðskjálftar voru staðsettir úti fyrir Norðurlandi á svonefndu Tjörnesbrotabelti. Tæplega 30 þeirra áttu upptök í Öxarfirði og þar mældist stærsti skjálftinn 2,5 stig þann 29. ágúst kl. 06:26. Upptök annarra skjálfta voru í Skjálfandadjúpi austan við Grímsey, í Eyjafjarðarál og á Húsavíkur-Flateyjarmisgenginu. Einn skjálfti var við Dalvík og einn á Flateyjarskaga og voru þeir báðir undir 1 að stærð.

Fimm smáskjálftar, allir undir 0,5 að stærð voru við Þeistareyki og fjórir smáskjálftar um 0 að stærð voru við Kröflu. Þrír smáskjálftar voru um 15 km austan við Mývatn var sá stærsti um 0,2 að stærð.

Hálendið

Undir og við Vatnajökul mældust einungis 5 jarðskjálftar. Upptök þeirra voru við Hamarinn, norðan við Grímsvötn, við Þórðarhyrnum, við Grænalón og í Öræfajökli. Stærstu skjálftarnir voru um 1 að stærð.
Við Öskju mældust 10 jarðskjálftar, þeir stærstu um 1,4 að stærð. Við Herðubreiðartögl voru 21 og stærstu skjálftarnir þar voru um 2 að stærð.

Undir og við Langjökul mældust 8 jarðskjálftar. Þar af voru 6 við Geitlandsjökul og 2 milli Vestari og Eystri-Hagafellsjöklanna. Stærstu skjálftarnir voru um 2 stærð við Geitlandsjökul.
Einn skjálfti tæpleg a1 að stærð var vestan við Sandvatn.

Á Torfajökulssvæðinu mældust 8 jarðskjálftar. Þar af voru 6 í smáhrinu sem átti upptök í Hrafntinnuhrauni frá um kl. 15 og fram til kl. 17 þann 28. ágúst. Stærsti skjálftinn var 2,2 að stærð kl. 15:07 þann sama dag. Margir af þessum skjálftum fundust í og við skálann í Hrafntinnuskeri.

Mýrdalsjökull

Undir Mýrdalsjökli voru 50 jarðskjálftar staðsettir. Þar af voru um 20 undir vesturhlutanum við Goðabungu og þar mældust stærstu skjálftarnir sem voru tæplega 2 að stærð. Um 10 jarðskjálftar voru innan og við Kötluöskjuna og voru þeir alli rinnan við 0,5 að stærð. Suður af öskjunni við Hafursárjökul mældust 20 smáskjálftar. Upptök þeirra voru á mjög grunnu dýpi og mældust stærstu skjálftarnir um 0,6 að stærð. Tveir skjálftar sem áttu upptök lítið eitt austan við þá þyrpingu voru á um 10-12 km dýpi og voru þeir um 1 að stærð.
Þrír smáskjálftar sá stærsti 0,9 að stærð voru við Þórsmörkina og einn smáskjálfti 0,1 að stærð var á mjög grunnu dýpi austarlega í Eyjafjallajökli.

Gunnar B. Guðmundsson