	Veðurstofa Íslands Jarðeðlissvið

Jarðskjálftar 20131209 - 20131215, vika 50

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni voru staðsettir um 230 jarðskjálftar. Stærsti skjálftinn á landinu var 2,1 að stærð með upptök við Hestfjall á Suðurlandi þann 12. desember. Smáskjálftahrina með um 40 jarðskjálftum var við Húsmúlann á Hengilssvæðinu þann 14. desember. Skjálftahrinur voru einnig við Þórisjökul og við Kistufell í Vatnajökli.

Suðurland

Á Hengilssvæðinu mældust um 40 jarðskjálftar við Húsmúlann og nær allir í skjálftahrinu þann 14. desember. Allir skjálftarnir voru undir 1 að stærð.

Á Suðurlandi mældust jarðskjálftar í Flóanum, við Hestfjall, í Holtum og Landssveit. Stærsti skjálftinn var við Hestfjall þann 12.12. og mældist hann 2,1 að stærð. Einn skjálfti 0,7 að stærð var á mjög grunnu dýpi við toppgíg Heklu þann 10.12. Annar skjálfti af svipaðri stærð var við Vatnafjöll þann 14.12.

Reykjanesskagi

Einn smáskjálfti tæplega 1 að stærð átti upptök um 6 km vestur af Reykjanestá þann 15. desember og skjálfti um 2,5 að stærð var langt suður á Reykjaneshrygg við 60° N þann 12. desember. Á Krýsuvíkursvæðinu mældust 10 jarðskjálftar sá stærsti um 1,2 að stærð.
Við Brennisteinsfjöll á Reykjanesskaga var skjálfti að stærð 0,8 þann 10.12.

Norðurland

Um 9 jarðskjálftar áttu upptök á Kolbeinseyjarhrygg norðan Kolbeinseyjar. Þar af voru 4 skjálftar við SPAR misgengið, 3 jarðskjálftar um 70-80 km norður af Kolbeinsey og 2 um 2 km norður af eynni.

Úti fyrir Norðurlandi á svonefndu Tjörnesbrotabelti mældust um 43 jarðskjálftar. Um 14 skjálftar voru við Flatey á Skjálfanda og sá stærsti þar var 1,2 að stærð. Svipaður fjöldi skjálfta var í Öxarfirði og þar var stærsti skjálftinn 1,5 að stærð. Einnig voru nokkrir skjálftar í Eyjafjarðarál, við Gjögurtá og við Tjörnes. Stærsti skjálftinn í brotabeltinu var í Eyjafjarðarál 1,8 aðstærð. Stakir skjálftar voru við Siglufjörð, Hrísey og Húsavík.

Við Kröflu voru 5 smáskjálftar og við Þeistareyki mældust 3 skjálftar og sá stærsti 1,2 að stærð.

Hálendið

Undir Vatnajökli mældust 31 jarðskjálftar. Um 20 þeirra áttu upptök við Kistufell og stærsti skjálftinn þar og undir jöklinum var 1,9 að stærð. Nokkrir skjálftar voru við Bárðarbungu og á Lokahrygg. Einn skjálfti var við Kverkfjöll.

Við Öskju og Herðubreið mældust 13 jarðskjálftar. Sá stærsti um 0,6 að stærð.
Við Hrúthálsa suðvestur af Herðubreiðarfjöllum mældist skjálfti 0,9 að stærð mnn 14.12.

Tveir skjálftar um 1,5 að stærð áttu upptök norðaustantil í Hofsjökli.

Suðvestan við Þórisjökul voru 11 jarðskjálftar. Þeir stærstu um 1,9 að stærð.

Á Torfajökulssvæðinu voru 3 jarðskjálftar. Sá stærsti 0,7 að stærð.

Mýrdalsjökull

Undir Mýrdalsjökli voru 15 skjálftar. Þar af voru 6 skjálftar við Hafursárjökul, allir minni en 0,6 að stærð. Undir vesturhluta jökulsins voru 4 jarðskjálftar og sá stærsti þar um 1,2 að stærð. Einungis 4 smáskjálftar voru í og við Kötluöskjuna.

Gunnar B. Guðmundsson