Veðurstofa Íslands
Jarðeðlissvið

Jarðskjálftar 20150126 - 20150201, vika 05

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Þessa vikuna voru staðsettir 490 skjálftar hafa verið staðsettir. Meirihluti þeirra, eða tæplega 300, urðu á umbrotasvæðinu við norðanverðan Vatnajökul. Stærsti skjálfti vikunnar varð þar við Bárðarbungu norðanverða kl. 21:45 þann 29. janúar, Mlw 4,6 að stærð. Í kvikuganginum voru staðsettir á sjöunda tug skjálfta, sá stærsti varð að kvöldi 1. febrúar, Mlw 1,7 að stærð.
Rétt fyrir kl. 20:00 að kvöldi 29. janúar varð skjálfti af stærð Mlw 3,2 við Grindarskörð, suðaustan Helgafells við Hafnarfjörð. Skjálftans varð vart í Hafnarfirði Garðabæ og Kópavogi. Hrina 30 skjálfta varð við Geirfugladrang, úti af Reykjanesi. Stærstu skjálftarnir þar voru af stærð 3,0 og 3,2 29. og 30. janúar.

Suðurland

Stöku skjálftar mældust í Suðurlandsbrotabeltinu, en fleiri á Hengilssvæði. Flestir þeirra urðu við Húsmúla og Hveradali.

Reykjanesskagi

Fimmtudagskvöldið 29. janúar (kl. 19:47) varð skjálfti af stærð 3,2 við Grindarskörð, sunnan Hafnarfjarðar. Skjálftinn fannst í Hafnarfirði, Garðabæ og Kópavogi. Rúmlega 20 eftirskjálftar hafa verið staðsettir þar. Einnig mældust skjálftar við Krýsuvík og Vífilsfell (þar mældist hrina í síðustu viku).

Norðurland

Flestir skjálftarnir mældust úti í Öxarfirði en einnig mældust skjálftar sunnan Grímseyjar, við Fljótin, og nærri Dalvík. Einn skjálfti mældist við Kröflu og þrír við Bæjarfjall v/Þeistareyki.

Hálendið

Um 290 skjálftar hafa mælst við Bárðarbungu (um 220), kvikuganginn (62 skjálftar, stærstur Mlw 1,7) og Tungnafellsjökul (átta skjálftar, stærstur Mlw 1,9). Sex skjálftar voru um og yfir fjórir að stærð, sá stærsti Mlw 4,6, og 15 skjálftar á milli 3 og 4 að stærð. Tveir skjálftar mældust við Grímsvötn að morgni 1. febrúar, báðir um Mlw 1,2 að stærð. Þá mældist einn skjálfti í norðanverðum Síðujökli og einn í norðanverðum Skeiðarárjökli. Fjórir skjálftar mældust við SV-verðan Langjökul (í Geitlandsjökli og vestan Þórisjökuls). Hrina smáskjálfta varð við Herðubreiðartögl og stöku skjálfti var einnig staðsettur við Öskju í Dyngjufjöllum.

Mýrdalsjökull

Mjög lítil virkni mældist í Mýrdalsjökli, aðeins fjóriri skjálftar, þrír þeirra við Goðabungu, einn innan öskjunnar.

Sigurlaug Hjaltadóttir