Veðurstofa Íslands
Jarðeðlissvið

Jarðskjálftar 20150706 - 20150712, vika 28

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Rúmlega 530 jarðskjálftar voru staðsettir með SIL mælakerfi Veðurstofu Íslands. Þar af mældust um 140 skjálftar við Bárðarbungu og í ganginum undir Dyngjujökli, og um 40 undir Mýrdalsjökli. Smáskjálftahrina var við Tungnafellsjökul þann 9. og 10. júlí. Stærsti skjálfti vikunnar var 3,3 að stærð og átti upptök á Reykjaneshrygg suðvestan Eldeyjar, en mikið hefur dregið úr skjálftavirkni þar.

Reykjanesskagi

Á Reykjaneshrygg mældust tæplega 15 skjálftar um 15-20 km suðvestan Eldeyjar, sá stærsti var 3,3 að stærð þann 07. júlí kl. 20:25. Rúmlega 20 skjálftar urðu á þekktum sprungum og jarðhitasvæðum á Reykjanesskaga, þar af flestir í hrinu austan Fagradalsfjalls þann 10. júlí. Allir voru þeir innan við 2,5 stig.

Suðurland

Lítil virkni var á Hengilssvæðinu og á Suðurlandsundirlendinu. Um 30 skjálftar voru staðsettir á þekktum sprungum þar, enginn þeirra var stærri en 2 að stærð.

Mýrdalsjökull

Ríflega 40 smáskjálftar mældust undir Mýrdalsjökli, þar af um helmingur í kringum Goðaland og 10 inni í Kötluöskjunni. Enginn þeirra náði 2 stigum. Nokkrir ísskjálftar urðu í Kötlujökli. Um tylft skjálfta áttu upptök við Torfajökull og einn við Heklu.

Hálendið

  • Við Bárðarbunguöskjuna mældust tæplega 40 skjálftar, sá stærsti var 2,2 að stærð þann 10. júlí kl. 15:31. Rúmlega 90 smáskjálftar voru staðsettir í ganginum undir Dyngjujökli, allir innan við 1,6 að stærð. Smávirkni var á Lokahrygg og við Síðujökul. Hrina smáskjálfta mældist á 3-5 km dýpi undir Tungnafellsjökli frá kl. 23:30 þann 9. júlí til kl. 02:30 þann 10 júlí. Stærsti skjálfti þar var um 2 að stærð og alls mældust rúmlega 70 skjálftar.
  • Tæplega 45 skjálftar urðu við Öskju, Herðubreið og Herðubreiðartögl.
  • Í byrjun vikunnar mældust rúmlega 30 jarðskjálftar innst í Lundarreykjadal skammt vestan Þverfells, sá stærsti var 2,5 að stærð þann 9. júlí kl. 01:47. Um helgina var aftur rólegt þar. Einn smáskjálfti átti upptök norðan Eiríksjökuls.

    Norðurland

    Fremur rólegt var úti fyrir Norðurlandi, um 20 skjálftar voru staðsettir á Grímseyjarbeltinu og um 10 á Húsavíkur-Flateyjarmisgengi. Allir voru þeir innan við 1,8 að stærð. Smáhrina var við Ásbyrgi þann 11. júlí. Nokkrir smáskjálftar mældust við Þeistareyki og við Kröflu.

    Martin Hensch