	Veðurstofa Íslands Jarðeðlissvið

Jarðskjálftar 20160208 - 20160214, vika 06

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Yfir 400 skjálftar voru staðsettir í vikunni. Stærsti skjálftinn mældist í norðurhluta Bárðabungu öskjunnar og var hann 3,6 að stærð. Annar skjálfti á sömu slóðum fékk stærðina 3.3.

Suðurland

Rúmlega 60 skjálftar mældurst á Suðurlandi í vikunni. Þar af voru 30 skjálftar í nágrenni Hengils og Ölfus. Allir undir 1,5 að stærð. Einn skjálfti mældist við Heklu og var 0,8 að stærð.

Reykjanesskagi

64 skjálftar mældust á Reykjanesinu, sá stærsti 2.7 að stærð. Um 20 sjálftar mældust við Kleifarvatn, allir undir 1.1 að stærð.

Norðurland

Um 120 skjálfta voru mældir á norðurlandi, Sá stærsti 2,1 að stærð. Flestir skjálftarnir tilheyra hrinunni sem hefur átt sér í Öxarfirði. Átta skjálftar voru staðsettir á Mývatns svæðinu.

Hálendið

Undir og við Vatnajökul mældust um 70 sjálftar. Undir Bárðabunguöskjunni voru um 35 jarðskjálftar. Sá stærsti 3,6 að stærð og mældist hann í norðanverðri brún öskjunnar, annar af stærð 3,3 mældist á svipuðum slóðum. Sex jarðskjálftar mældust í ganginum, flestir við norðurjaðar Dyngjujökuls og framan við jökulinn. Fjórir skjálftar mældust í Tungnafellsjökli. Nokkrir smáskjálftar mædust í Grímsvötnum og sunnanverðum Vatnajökli.
Við Öskju og Herðubreið mældust rúmlega 40 skjálftar, sá stærsti var 2,2 að stærð. Fáeinir smáskjálftar mældust undir Langjökli.

Mýrdalsjökull

Í Mýrdalsjökli mældust 18 skjálftar, sá stærsti 2,0 að stærð. Á Torfajökulssvæðinu mældust 11 skjálftar, sá stærsti var 2,2 að stærð.

Jarðvakt