Veðurstofa Íslands
Jarðeðlissvið

Jarðskjálftar 20160613 - 20160619, vika 24

[Skjálftalisti] [Fyrri vika] [Næsta vika] [Aðrar vikur] [Jarðeðlissvið]

PostScript-skrá
Forrit sem les PostScript-skrár má nálgast hér

Sérkort af

[Suðurlandi] [Reykjanesi] [Hengilssvæðinu] [Bárðarbungu] [Lang-og Hofsjökli] [Öskju] [Mýrdals- og Eyjafjallajökli] [Norðurlandi]

Lýsing á skjálftavirkni vikunnar

Um 350 jarðskjáftar voru staðsettir med SIL-mælakerfi Veðurstofu Íslands. Stærsti skjálfti vikunnar mældist þann 15. júní á Reykjaneshrygg og var hann 3,3 að stærð. Tæplega 30 skjálftar urðu við Bárðarbungu, um 20 undir Mýrdalsjökli og þrír við Heklu.

Reykjanesskagi

Rúmlega 30 jarðskjálftar mældust á þekktum sprungum og jarðhitasvæðum á Reykjanesskaga, flestir þeirra í kringum Krýsuvík. Allir voru þeir innan við 2 stig. Átta skjálftar áttu upptök á Reykjaneshrygg, sá stærsti var 3,3 að stærð þann 15. júní kl. 12:51 um 25 km suðvestur af Eldey.

Suðurland

Sjö smáskjálftar urðu á Hengilssvæðinu í vikunni og um tylft við Þrengsli og við Ölfus, enginn þeirra náði 2 stigum. Rólegt var við Húsmúla. Rúmlega 25 skjálftar voru staðsettir á jarðskjálftasprungum á Suðurlandsundirlendinu, sá stærsti var 1,6 að stærð á Hestfjallssprungu. Þrír smáskjálftar innan við 1,2 stig mældust í Heklu.

Mýrdalsjökull

Rúmlega 20 skjálftar urðu á Mýrdalsjökulssvæðinu í vikunni, þar af um 10 inni í Kötluöskjunni, sjö við Goðaland og nokkrir við Hafursárjökul og Kötlujökul. Stærsti skjálftinn mældist 2,3 að stærð þann 17. júní kl. 00:28 í norðanverðri Kötluöskjunni. Um 10 smáskjálftar innan við 2 stig voru staðsettir við Torfajökul.

Hálendið

Rúmlega 30 jarðskjálftar mældust við Bárðarbunguöskjuna, þeir stærstu voru 2,9 að stærð þann 17. júní og 2,8 að stærð þann 13. júní. Um 20 skjálftar voru staðsettir í ganginum undir Dyngjujökli, en voru þeir allir innan við 2 stig. Sex smákjálftar urðu á Lokahrygg, fimm við Grímsfjall og nokkrir við Öræfajökul. Auk þess mældust um 15 skjálftar við Öskju og um 25 í kringum Herðubreið og Herðubreiðartögl. Rólegt var við Langjökul.

Norðurland

Rúmlega 90 jarðskjálftar voru staðsettir úti fyrir Norðurlandi á svonefndu Tjörnesbrotabelti. Flestir þeirra eða um 50 urðu á Grímseyjarbeltinu, sá stærsti var 2,0 að stærð þann 18. júní kl. 09:19 austan Grímeyjar, þar sem smáhrina jarðskjálfta mældist um helgina. Auk þess urðu um 25 í Eyjafjarðarál og um 20 á Húsavíkur-Flateyjarmisgengi. Jarðskjálfti af stærð 2,2 varð í Þeistareykjum þann 15. júní kl. 00:03 og alls mældust átta skjálftar þar. Nokkrir smáskjálftar urðu líka við Kröflu.

Jarðvakt