	Veðurstofa Íslands Jarðeðlissvið

Jarðskjálftar 20170123 - 20170129, vika 04

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Nánast sama virkni var í þessari viku samanborið við vikuna á undan. Rúmlega 400 jarðskjálftar mældust í vikunni miðað við um 370 vikuna á undan. Stærsti skjálfti vikunnar var 4,3 að stærð í Mýrdalsjökuli 26. janúar og í Bárðarbungu, var stærsti skjálfti 3,9 að stærð 23. janúar. Meiri virkni var á Norðurlandi í vikunni en vikuna á undan og talsvert fleiri í Mýrdalsjökli.

Suðurland

Um 30 jarðskjálftar mældust á Suðurlandi í vikunni, sá stærsti 1,8 að stærð rétt norðan Hveragerðis, en alls mældust um 10 smáskjálftar á Hengilssvæðinu og restin dreift viða á Suðurlandinu. Einn skjálfti 2,6 að stærð varð norðan við Heklu 28. janúar.

Reykjanesskagi

Rúmlega 20 jarðskjálftar mældust á Reykjanesskaga sem er svipaður fjöldi og vikuna á undan. Milli Grindavíkur og Kleifarvatns mældust rúmlega 10 smáskjálftar. Fjórir smáskjálftar mældust við Bláfjöll. Á Reykjaneshrygg mældust þrír skjálftar, sá stærsti 1,9 að stræð.

Norðurland

Tæplega 160 jarðskjálftar mældust á Norðurlandi í vikunni, sem er meiri virkni en vikuna á undan. Um 65 skjáltar mældust við Grímsey, sá stærsti var 2,8 að stærð í smáhrinu, 25. janúar. Rúmlega 35 jarðskjálftar mældust í Öxarfirði, sá stærsti 1,9 að stærð, þann 28. janúar. Tæplega tugur jarðskjálfta mældist á Húsavíkur-Flateyjar misgenginu, sá stærsti 2,7 að stærð 28. janúar. Um 25 jarðskjálftar mældust á Kolbeinseyjarhrygg, níu skjálftar voru yfir 3 að stærð og sá stærsti var 3,6 að stærð. Sex smáskjálftar mældust við Kröflu og þrír við Þeistareyki.

Hálendið

Tæplega 30 jarðskjálftar mældust undir og við Vatnajökul í vikunni, heldur færri en vikuna á undan. Tæplega 18 jarðskjálftar mældust við Bárðarbungu, sá stærsti 3,9 að stærð 23. janúar kl 09:37 og einn annar 3,0 að stærð mældist 24. janúar. Um 12 smáskjálftar mældust í bergganginum undir og fyrir framan Dyngjujökul og voru þeir allir undir 1,3 að stærð. Einn jarðskjálfti 1,4 að stærð mældist við Öskju í vikunni og um 25 jarðskjálftar við Herðubreið og Herðubreiðartögl, allir undir 1,3 að stærð. Þ¿ir smáskjálftar mældust við Sandfelli, suðaustur af Langjökli.

Mýrdalsjökull

Um 130 jarðskjálftar mældust undir Mýrdalsjökli, sem eru talsvert fleiri en í vikunni á undan þegar um 70 jarðskjálftar mældust. Flestir skjálftarnir voru innan Kötluöskjunnar, eða 110. Stærsti skjálftinn var 4,3 að stærð 26. janúar kl 15:14. Fjórir skjálftar yfir 3 að stærð mældust lika innan öskjunnar. Sjö smáskjálftar mældust undir Kötlujökuli og um 10 skjálftar við Goðabungu, allir undir 1,2 að stærð. Fimm skjálftar mældust á Torfajökulsvæðinu, sá stærsti 1,4 að stærð 26. janúar.

Jarðvakt