	Veðurstofa Íslands Jarðeðlissvið

Jarðskjálftar 20180101 - 20180107, vika 01

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 500 skjálftar mældust með SIL-mælakerfi Veðurstofu Íslands í vikunni, nær 100 fleiri en í síðastliðinni viku. Engir skjálftar mældust yfir 3,0 að stærð. Stæsti skjálfti vikunnar var af stærð 2,9 í Bárðarbunguöskjunni þann 4. janúar kl. 01:52. Rúmlega 60 skjálftar mældust í Mýrdalsjökli í vikunni, þar af 5 á 10 mín, við ketil 16, þann 4. janúar kl. 22:52-22:59. Sá stærsti mældist 1,8 að stærð. 40 smáskjálftar mældust í Öræfajökli í vikunni.

Suðurland

Rúmlega 60 skjálftar voru staðsettir á Suðurlandi í vikunni. Stærsti skjálftinn, 1,9 að stærð, mældist þann 7. janúar rétt ofan við Grænadal, en alls mældust yfir 20 skjálftar í og við Hengilinn. Aðrir smáskjálftar voru á þekktum sprungum á Suðurlandsbrotabeltinu, þar af fimm í Flóanum.

Reykjanesskagi

Rúmlega 30 skjálftar mældust á Reykjanesi í vikunni. Stærsti skjálftinn, af stærð 2,4 mældist úti á Reykjaneshrygg þann 5. janúar kl. 4:23 og annar kl. 4:34 sem var 2,2 að stæð. Tveir skjálftar minni en 2 að stærð fylgdu í kjölfarið.

Norðurland

Um 150 jarðskjálftar voru staðsettir á Norðurlandi í vikunni. Tæplega 100 skjálftar mældust um 10 km norðan og austan við Grímsey, sá stærsti 2,4 að stærð kl. 18:25 þann 2. janúar. Þrjátíu skjálftar mældust í Öxarfirði, rúmlega 10 við Húsvíkur-Flateyjar misgengið og fjórir við Kröflu.Fjórir skjálftar mældust úti á Kolbeinseyjarhrygg þann 5. janúar, þeirra stærstur var 2,5 að stærð.

Hálendið

Yfir 180 jarðskjálftar mældust á hálendinu í vikunni. Í Öræfajökli voru tæplega 40 smáskjálftar, sá stærsti var 1,5 að stærð en aðrir undir 1,0. Tæplega 15 skjálftar voru við Grímsfjall, sá stærsti 1,2 að stærð. Tæplega 40 smáskjálftar mældust í Bárðarbungu, þeirra stærstur var þann 4. janúar kl. 01:52, 2,9 að stærð. Tæplega 10 smáskjálftar mældust í ganginum og tæplega 10 austan við Bárðarbunguöskjuna þar sem oft mælast djúpir skjálftar. Rúmlega 10 smáskjálftar mældust við Öskju og rúmlega 30 í og við Herðubreið og Herðubreiðartögl, sá stærsti mældist 2,0 að stærð kl. 19:10 þann 2. janúar. kkrir skjálftar við Tungnafellsjökul þann 5. janúar, sá stærsti 2,8 að stærð.

Mýrdalsjökull

Tæplega 50 jarðskjálftar mældust í Mýrdalsjökli í vikunni, flestir innan Kötluöskjunnar. Sá stærsti var af stærð 2,3 þann 5. janúar. Að kvöldi 4. janúar varð smáhrina við ketil 16 kl. 22:52 ¿ 22:59, sá stærsi mældist 1,8 kl. 22:55. Engir skjálftar mældust í Eyjafjallajökli en tæplega 10 mældust á Torfajökulssvæðinu, sá stærsti 2,1 að stærð, sem varð 6. janúar kl. 07:10.

Jarðvakt