	Veðurstofa Íslands Jarðeðlissvið

Jarðskjálftar 20180205 - 20180211, vika 06

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 500 jarðskjálftar voru staðsettir með SIL-mælakerfi Veðurstofunnar í liðinni viku, nokkuð færri en í vikunni áður þegar rúmlega 570 skjálftar mældust. Stærsti skjálfti vikunnar var 3,6 að stærð og mældist þann 9. febrúar í Öræfajökli. Næst stærsti skjálfti vikunni var 2,8 að stærð 8. febrúar norðaustur af Grimsey. Um 70 skjálftar mældust í Öræfajökli, flestir undir 2,3 að stærð. Hrina norðaustur af Grimsey hófst um hádegi 8. febrúar og stendur enn yfir. Tveir smáskjálftar mældust í Heklu í vikunni.

Suðurland

Rúmlega 40 skjálftar mældust á Suðurlandi í liðinni viku, nokkuð færri en vikuna á undan og voru þeir allir undir 1,9 að stærð. Rúmlega tugur skjálfta mældist á Hengilssvæðinu en aðrir skjálftar dreifðust um Suðurlandið. Tveir smáskjálftar mældust í Heklu í vikunni.

Reykjanesskagi

Um 20 jarðskjálftar mældust á Reykjanesskaga í vikunni. Sá stærsti 2,3 að stærð þann 10. febrúar, við Grindavík. Allir aðrir skjálftar voru undir 1,9 að stærð. Þá mældust nokkrir skjálftar úti á Reykjaneshrygg, sá stærsti var 2,2 að stærð. Nokkrir smáskjálftar mældist við Kleifarvatn og Bláfjöll.

Norðurland

Minni virkni, rúmlega 240 jarðskjálftar, voru úti fyrir Norðurlandi í þessari viku, en þeirri fyrri þegar um 320 skjálftar mældust. Jarðskjálftahrina hófst á hádegi 8. febrúar, norðaustur af Grímsey. Þetta er á sama svæði og hrinan sem var í síðustu viku. Stærsti skjálftinn í hrinunni mældist 2,8 að stærð þann 8. febrúar kl. 22:53. Engar tilkynningar bárust um að skjálftinn hafi fundist. Skjálfti, 1,9 að stærð mældist norður á Kolbeinseyjarhrygg, þann 11. febrúar. Tiltölulega róleg virkni var annars staðar á Norðurlandi, en um 35 skjálftar á Húsavíkur-Flateyjar beltinu, sá stærsti 1,6 að stærð, þann 10. febrúar. Rúmlega 10 skjálftar mældust í Öxarfirði, sá stærsti 1,5 að stræð, þann 10. febrúar. Fimm jarðskjálftar mældust við Kröflu, sá stærsti 1,7 að stærð, þann 6. febrúar og tæplega 10 skjálftar við Þeistareyki, sá stærsti 2,2 að stærð, þann 10. febrúar.

Hálendið

Rúmlega 100 skjálftar mældust undir Vatnajökli í vikunni, nokkru færri en í fyrri viku. Tæplega fimm skjálftar mældust í Bárðarbunguöskjunni, sá stærsti 2,6 að stærð þann 5. febrúar. Tæplega 10 jarðskjálftar mældust í bergganginum undir Dyngjujökli, allir undir 1,6 að stærð. Um 70 skjálftar mældust í Öræfajökli, sem er töluvert meiri en í siðustu viku, þegar 35 skjálftar mældust. Stærsti skjálfti vikunnar var í Öræfajökli, 3,6 að stærð og mældist þann 9. febrúar, flestir aðrir undir 2,3 að stærð. Sex smáskjálftar mældust við Grímsvötn. Við Esjufjöllum mældust tæplega 10 smáskjálftar. Norðan Vatnajökuls mældust um 40 skjálftar en þeir dreifðust á svæðin við Öskju, norðan Vaðöldu og við Herðubreið og Herðubreiðartögl. Sex smáskjálftar mældust á Torfajökulsvæðinu, stærsti 1,5 að stærð, 5. febrúar.

Mýrdalsjökull

Rólegt var í Mýrdalsjökli, líkt og vikuna á undan. Tveir smáskjálftar mældust þar, sá stærri var 1,3 að stærð þann 6. febrúar. Einn skjálfti 1,2 að stærð mældist í Eyjafjallajökli 5. febrúar.

Jarðvakt