	Veðurstofa Íslands Jarðeðlissvið

Jarðskjálftar 20180212 - 20180218, vika 07

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Ríflega 1600 skjálftar voru staðsettir og yfirfarnir í vikunni af Veðurstofu Íslands. Gera má þó ráð fyrir að sú tala sé vel undir réttum skjálftafjölda þessa vikuna og að raunfjöldi sé nær 4000 til 5000 skjálftar. Langstærsti hluti þeirra skjálfta voru í hrinu sem stendur yfir á 20 km löngu svæði sem liggur NV-SA, um 10 km austur af Grímsey. Stærsti skjálfti vikunnar mældist M4.1 á því svæði. Auk þess voru tæplega 30 skjálftar af stærð M3.0-M4.0 mældir á svæðinu. Stærstu skjálftar vikunnar utan hrinunnar var M3.4 á Reykjanestánni, um 12 km vestur af Grindavík, og M3.0 norður á Kolbeinseyjahrygg um 150 km norðan við Grímsey. Einnig var í byrjun vikunnar vart við hrinu um 5 km ANA af Selfossi. Sú hrina taldi tæplega 70 skjálfta. Þar var stærstur skjálfti mældur M2.0 um hálf átta að morgni 13. febrúar.

Suðurland

Á Suðurlandi mældust rétt rúmlega 100 skjálftar, þar af tæplega 70 á hrinu um 5km austur af Selfossi. Á Hengilssvæðinu voru um 10 skjálftar, einn í Reykjadal og annar í Hveragerði. Aðrir skjálftar voru dreifðir um Bláfjöll og Suðurlandsundirlendið.

Reykjanesskagi

Um 30 skjálftar voru mældir á Reykjanesskaga út á Reykjaneshrygg. Þar af voru 10 skjálftar aðfaranótt 12. febrúar á við Reykjanestá, þar af stærstur M3.4 um klukkan korter yfir eitt. 13 skjálftar mældust úti á hrygg, rétt norðan við Eldeyjardranga, um 5 skjálftar við Kleifarvatn og suður til Krísuvíkur og tveir skjálftar NV af Hlíðarvatni.

Norðurland

Á Norðurlandi voru staðsettir ríflega 1400 skjálftar, þar af flestir í hrinu austan við Grímsey í Skjálfandadjúpi. Aðrir skjálftar voru rúmlega 20. Um 7 skjálftar voru í Kröflu, 3 við Reykjahlíð og einn vestan við Gæsafjöll. Einn skjálfti var staðsettur í Eyjarfjarðarálnum og 9 í Skjálfandaflóa. Auk þess mældist einn sjálfti norður á Kolbeinseyjarhrygg, um 150km norður af Grímsey. Tveir skjálftar mældust á eða norðan Tröllaskaga.

Hálendið

Einn skjálfti mældist í austanverðum Langjökli, einn í Kerlingafjöllum og einn í NA-verðum Hofsjökli. Um 20 skjálftar voru mældir í Herðubreið og Herðubreiðartöglum og um 10 í og við Öskju. Um 5 skjálftar mældust á rétt norðan Torfajökuls.

Mýrdalsjökull

Í Mýrdalsjökli mældust 8 skjálftar og í suðurhlíðum Eyjafjallajökuls.

Vatnajökull

Um 40 skjálftar mældust í Vatnajökli og í Holuhrauni. Þar af um 12 við Öræfajökul. 5 skjálftar voru í öskju Bárðarbungu og 22 eftir ganginum undir Dyngjujökli og norður í Holuhraun.

Jarðvakt