	Veðurstofa Íslands Jarðeðlissvið

Jarðskjálftar 20180226 - 20180304, vika 09

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 630 jarðskjálftar voru staðsettir með SIL-mælakerfi Veðurstofunnar í liðinni viku, flestir í langvinnri skjálftahrinu við Grímsey um 140 skjálftar en þar mældust um 11 skjálftar stærri en 2,0 að stærð. Í Öræfajökli er enn einhver smáskjálftavirkni en um 50 skjálftar mældust þar í vikunni allir undir 1,5 að stærð og í Bárðarbungu mældust einnig um 50 skjálftar þar sem stærsti skjálftinn mældist 2,8 í austanverðri Bárðarbunguöskjunni. Um 20 skjálftar mældust í Mýrdalsjökli, stærsti 2,2 að stærð.

Suðurland

Um 50 skjálftar mældust á Suðurlandi í liðinni viku. Allir undir tveimur að stærð. Stærsti skjálftinn mældist um 1,5 að stærð þann 26. febrúar við Nesjavelli. Rúmur tugur smáskjálfta mældust á Hengilssvæðinu en aðrir skjálftar voru fremur dreifðir um Suðurlandsbrotabeltið.

Reykjanesskagi

Um 30 skjálftar mældust á Reykjanesi í vikunni stærsti skjálftinn mældist 1,7 að stærð kvöldið 4. mars suðvestur á Reykjanestá. Um 8 skjálftar mældust rétt austan við Arnarvatn. Einnig voru tveir smáskjálftar við Grindavík og aðrir tveir í námunda við Þorlákshöfn. Langt úti á Reykjaneshrygg um 200 km suðvestur af landi mældist skjálfti af stærð 2,8 þann 3. mars.

Norðurland

Um tugur skjálfta mældist á Kröflusvæðinu. Einn við Húsavík og annar í Flateyjardal allir undir 1,0 að stærð. Rúmlega 200 skjálftar mældust úti fyrir landi, stærsti skjálftinn 3,2 að stærð mældist um 350km austur af Langanesi. Flestir skjálftanna mældust við Grímsey, austan og norðan við eyna alls rétt tæplega 140 skjálftar, þar af voru 11 af þeim stærri en 2,0 að stærð, en stærstu skjálftarnir mældust 2,9 austan við eyna þann 1. mars, og 2,8 norðan við eyna þann 3. mars. Um 15 skjálftar komu í þyrpingu 20km norður af Tjörnestá og um 40 skjálftar mældust í Öxarfirði. Tæpur tugur skjálfta mældist á Húsavíkur-Flateyjar misgenginu allir undir einum að stærð. Á Kolbeinseyjarhrygg mældist skjálfti 2,2 að stærð 3. mars.

Hálendið

Tæplega 250 skjálftar voru staðsettir á Hálendinu í vikunni. Stærsti skjálftinn mældist í austanverðri Bárðarbunguöskjunni 2,8 að stærð, en um 50 skjálftar voru staðsettir í Bárðarbungu í vikunni. Í ganginum undir Dyngjujökli mældust rúmlega 30 skjálftar. Við Tungnafellsjökul mældust svo 16 skjálftar, sá stærsti 1,4 að stærð.
Í Öræfajökli mældust rúmlega 50 skjálftar, allir undir 1,5 að stærð. Stærsti skjálftinn 1,2 að stærð mældist 27. febrúar, en flestir skjálftar mældust 3. mars, 12 talsins.
Við Grímsvötn mældust tæplega 10 skjálftar, stærsti af stærð 2,0 þann 1. mars.
Fyrir norðan Vatnajökul voru staðsettir um 25 skjálftar í Öskju allir undir tveimur að stærð og urðu þeir allflestir við austurbarminn. Í Dyngjufjöllum mældust tveir skjálftar sá stærri 1,5 að stærð. Umhverfis Herðubreið og Herðubreiðartögl mældust tæplega 40 skjálftar allir undir 1,0 að stærð.
Tveir skjálftar voru staðsettir í vestanverðum Langjökli, norðaustan við Geitlandsjökul, sá stærri mældist 1,9 að stærð.

Mýrdalsjökull

Um 20 skjálftar mældust í Mýrdalsjökli í vikunni, stærsti skjálftinn mældist 2,2 að stærð þann 4. mars við austurrima Kötluöskjunar. Tveir skjálftar mældust í Eyjafjallajökli báðir undir 1,0 að stærð. Fjórir skjálftar mældust á Torfajökulssvæðinu, stærsti af stærð 1,4 þann 27. febrúar.

Náttúruvársérfræðingur á vakt