	Veðurstofa Íslands Jarðeðlissvið

Jarðskjálftar 20180312 - 20180318, vika 11

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 540 jarðskjálftar voru staðsettir með SIL-mælakerfi Veðurstofu Íslands í vikunni, svipaður fjöldi og vikuna á undan. Heldur meiri virkni var á Norðurlandi, Reykjanesskaga og Suðurlandi í þessari viku en þeirri síðustu, en minni virkni var í Bárðarbungu, Öræfajökli og Kötlu. Stærsti skjálfti vikunnar var 3,8 að stærð við Öskju kl 21:10 þann 14. mars og var hann upphafið af hrinu við Öskju. Fimm skjálftar mældust við Heklu í hrinu 15. mars.

Suðurland

Rúmlega 90 jarðskjálftar mældust á Suðurlandi, þar af um 45 á Hengilssvæðinu sá stærsti 2,2 stig. Af þeim voru rúmlega 20 jarðskjálftar við niðurdælingarsvæði Orkuveitunnar við Sleggjubeinsdali, 10 við Skarðsmýrarfjall og sex austan við Ölkelduháls. Níu jarðskjálftar mældust við Bjarnastaði. Fimm jarðskjálftar mældust við Heklu í hrinu 15. mars. Sá stærsti var 1,2 að stærð.

Reykjanesskagi

Um 30 jarðskjálftar mældust á Reykjanesskaga og -hrygg. Átta skjálftar mældust við Krísuvík, fimm við Grindavík og tólf við Reykjanestá. Stærsti skjálftinn var 2,4 að stærð við Grindavík 18. mars.

Norðurland

Um 140 jarðskjálftar mældust úti fyrir Norðurlandi, nokkuð fleiri en í liðinni viku. Mesta virknin var á Grímseyjarbeltinu líkt og undanfarnar vikur, eða rúmlega 110 skjálftar. Um helmingur skjálftanna mældust norðan og austan við Grímsey, en þar hefur verið hrina síðustu vikur sem virðist vera að mestu lokið. Stærsti skjálftinn þar var 3,0 að stærð 16. mars um 13 km norðaustan við Grímsey. Rúmlega 50 skjálftar mældust í Öxarfirði, sá stærsti 2,2 stig. 17 skjálftar mældust á Húsavíkur ¿ Flateyjar misgenginu. 16 skjálftar mældust við Þeistareyki og Kröflu.

Hálendið

Rúmlega 100 jarðskjálftar mældust undir Vatnajökli í vikunni, um helmingi færri en vikuna á undan. 16 skjálfar mældust í Bárðarbungu sem er mun færri en síðustu vikur þegar þeir voru um 50. Stærsti skjálftinn í Bárðarbungu í vikunni var 1,9 að stærð 13. mars. Tæplega 20 djúpir skjálftar urðu á svæði þar sem gangurinn beygir til norðurs og rúmlega 20 smáskjálftar mældust í bergganginum undir og fyrir framan Dyngjujökul. Tíu skjálftar voru við Grímsfjall, sá stærsti 1,3 að stærð og fjórir skjálftar mældust við Hamarinn. Rúmlega 30 jarðskjálftar mældust í Öræfajökli, töluvert færri en vikuna á undan þegar þeir voru um 70. Sá stærsti var 2,4 að stærð 13. mars kl 11:41. Fjórir skjálftar mældust við Tungnafellsjökul 16. mars, sá stærsti 1,8 að stærð. Tæplega 120 jarðskjálftar mældust á svæðinu norðan Vatnajökuls, rúmlega helmingi fleiri en vikuna á undan. Munar þar mestu um hrinu við Öskju sem hófst kl 21:10 þann 14. mars á skjálfta sem mældist 3,8 að stærð. Var hann jafnframt stærsti skjálfti vikunnar. Alls mældust tæplega 90 skjálftar við Öskju í vikunni. Tæplega 30 skjálftar mældust við Herðubreið og Herðubreiðartögl í vikunni, sá stærsti 1,4 að stærð. Einn skjálfti mældist norðaustan við Langjökul 16. mars sem var 1,6 að stærð.

Mýrdalsjökull

15 jarðskjálftar mældust í Mýrdalsjökli í vikunni, mun færri en vikuna á undan. Flestir skjálftanna, níu talsins, urðu innan Kötluöskjunnar. Sá stærsti 1,7 að stærð. Fjórir skjálftar mældust við Goðabungu og tveir í Kötlujökli. 12 jarðskjálftar mældust á Torfajökulsvæðinu, sá stærsti 1,4 að stærð.

Jarðvakt