	Veðurstofa Íslands Jarðeðlissvið

Jarðskjálftar 20180430 - 20180506, vika 18

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 420 jarðskjálftar voru staðsettir með SIL-mælakerfi Veðurstofu Íslands í vikunni, færri en í vikunni á undan þegar rúmlega 520 skjálftar mældust. Stærsti skjálfti vikunnar var 2,9 að stærð 02. maí kl 03:46 við Raufarhólshelli í Ölfusi. Tveir skjálftar mældust við Heklu, sá stærri 1,6 að stærð. Minni virkni var undir Vatnajökli og Norðurlandi í þessari viku en þeirri síðustu.

Suðurland

Rúmlega 60 skjálftar mældust á Suðurlandi í liðinni viku, nokkuð fleiri en vikuna á undan. Stærsti skjálfti vikunnar var 2,9 að stærð þann 02. maí kl 03:46 við Raufarhólshelli í Ölfusi. Flestir skjálftar voru við Raufarholshelli, fáeinar við Hestfjall og nokkrir á við og dreif á Suðurlandi. 18 skjálftar mældust á Hengilssvæðinu, allir undir 1,2 að stærð. Tveir smáskjálftar mældust við Heklu.

Reykjanesskagi

Tæplega 30 jarðskjálftar mældust á Reykjanesskaga í vikunni, sá stærsti 2,6 að stærð, þann 06. maí og fannst í Grindavík. Þá mældust fimm skjálftar úti á Reykjaneshrygg, sá stærsti var 2,8 að stærð, þann 04. maí.

Norðurland

Tæplega 75 jarðskjálftar mældust á Norðurlandi, heldur færri en í liðinni viku. Rúmlega 30 jarðskjálftar undir 1,7 að stærð mældust á Grímseyjarbeltinu. Um 15 skjáftar mældust í Öxarfirði, sá stærsti 1,7 að stærð. Tæplega 15 jarðskjálftar mældust á Húsavíkur - Flateyjarmisgenginu. Stærsti skjálfti þar var 2,0 að stærð, þann 1. maí kl. 15:45. Fimm smáskjálftar mældust við Þeistareyki og sjö við Kröflu.

Hálendið

Rúmlega 115 jarðskjálftar mældust undir Vatnajökli í vikunni, sem eru færri en í fyrri viku þegar um 200 jarðsskjálftar mældust. Um 20 jarðskjálftar mældust í Bárðarbungu, helmingi færri en í síðustu viku. Stærsti skjálfti vikunnar var 2,2 að stærð, þann 5. maí. Tæplega 10 djúpir smáskjálftar urðu á svæði þar sem gangurinn beygir til norðurs og tæplega 20 smáskjálftar mældust í bergganginum undir og fyrir framan Dyngjujökul. Fjórir smáskjálftar voru við Grímsfjall og fimm á Lokahrygg. Rúmlega 50 smáskjálftar mældust í Öræfajökli, nokkuð færri en vikuna á undan þegar þeir voru 70. Sá stærsti þar var 1,5 að stærð. Um 70 jarðskjálftar mældust á svæðinu norðan Vatnajökuls, nánast sami fjöldi og vikuna á undan. Þar af um 20 smáskjálftar við Öskju og 50 við Herðubreið og Herðubreiðartögl. Einn smáskjálfti mældist suðaustur af Langjökli.

Mýrdalsjökull

23 jarðskjálftar mældust í Mýrdalsjökli í vikunni, svipaður fjöldi og vikuna á undan. Allir skjálftar voru minni en 1,2 að stærð. Flestir skjálftanna, urðu innan Kötluöskjunnar og undir Kölujökli og nokkrir við Goðalandsjökul. Einn smáskjálfti mældist í Eyjafjallajökli og 12 smáskjálftar mældust á Torfajökulsvæðinu.

Jarðvakt