	Veðurstofa Íslands Jarðeðlissvið

Jarðskjálftar 20180514 - 20180520, vika 20

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 250 jarðskjálftar voru staðsettir með SIL-mælakerfi Veðurstofunnar í liðinni viku, talsvert færri en í vikunni áður þegar um 400 skjálftar mældust. Stærstu skjálftar vikunnar voru 4,0 og 3,7 að stærð og mældust þeir í Bárðarbungu þann 17. maí. Um 35 skjálftar mældust undir Öræfajökli í liðinni viku og fjórir smáskjálftar mældust í og við Heklu.

Suðurland

Rúmlega 30 skjálftar mældust á Suðurlandi í liðinni viku og var stærsti skjálftinn 2,4 að stærð Við Hverahlíð. Um tugur skjálfta mældist á Hengilssvæðinu en aðrir um Suðurlandið. Fjórir smáskjálftar mældust í og við Heklu í vikunni.

Reykjanesskagi

Um tugur skjálfta mældust á Reykjanesskaga í vikunni og var stærsti skjálftinn 2,5 að stærð á Reykjanestá. Tveir skjálftar mældust úti á Reykjaneshrygg, báðir í kringum 2,0 að stærð.

Norðurland

Um 45 skjálftar mældust á Norðurlandi í liðinni viku og var stærsti skjálftinn 2,1 að stærð. Mesta skjálftavirknin á Norðurlandi var á Grímseyjarbeltinu. Nokkrir skjálftar mældust við Þeistareyki og einn í Kröflu.

Hálendið

Tæplega 80 skjálftar mældust undir Vatnajökli í vikunni. Tæplega 20 skjálftar mældust í Bárðarbunguöskjunni og voru stærstu skjálftarnir þar 4,0 og 3,7 að stærð þann 17. maí. Þetta voru jafnframt særstu skjálftar vikunnar. Um tylft skjálfta mældist í bergganginum undir Dyngjujökli. Um 35 skjálftar mældust í Öræfajökli. Tveir skjálftar mældust í Grímsvötnum og nokkrir á Lokahrygg austur af Hamrinum. Einnig mældust nokkrir smáskjálftar í jaðri jökulsins að sunnanverðu.

Norðan Vatnajökuls mældust um 70 skjálftar, og var sá stærsti 2,5 að stærð. Flestir voru þeir í nágrenni Herðubreiðar, Herðubreiðartagla og Öskju.

Nokkrir skjálftar mældust á Torfajökulssvæðinu.

Mýrdalsjökull

Tæplega 10 skjálftar mældust í Mýrdalsjökli í liðinni viku, allir undir 17 að stærð. Flestir voru þeir innan Kötluöskjunnar.

Jarðvakt