	Veðurstofa Íslands Jarðeðlissvið

Jarðskjálftar 20180521 - 20180527, vika 21

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 350 jarðskjálftar voru staðsettir með SIL-mælakerfi Veðurstofu Íslands í liðinni viku, talsverð aukning frá í vikunni á undan þegar aðeins um 250 skjálftar mældust. Stærsti skjálfti vikunnar mældist 3,0 stærð úti á Reykjaneshrygg um 45 km VSV af Reykjanestá.

Suðurland

Á suðurlandsbrotabeltinu mældust um 20 skjálftar, stærsti 1,2 að stærð en aðrir mældust undir 1,0 að stærð. Tveir skjálftar mældust við Heklu báðir undir 0,5 að stærð.

Hengilssvæði

Tíu skjálftar voru staðsettir á Hengilssvæðinu í vikunni stærsti 1,2 að stærð þann 22. maí.

Reykjanesskagi

Tæplega 25 skjálftar mældust á Reykjanesi í vikunni, flestir rétt vestan við Kleifarvatn, stærsti skjálftinn þar mældist 2,0 að stærð 22 maí, en flestir skjálftana mældust í smáskjálftahrinu 24. - 25. maí á sama svæði. Einn skjálfti mældist við Grindavík þann 21. maí um 1,0 að stærð. Úti á Reykjaneshrygg mældust 7 skjálftar í þyrpingu þann 25 maí, þeir voru um 45km VSV af Reykjanestá, þar mældist stærsti skjálftinn á landinu þessa vikunna af stærð 3,0.

Norðurland

22 skjálftar mældust á Norðurlandi, um tugur við Kröflu og annar tugur norðar. Stærsti skjálftinn þar mældist 1,7 að stærð norðan við Gjástykki. Rumlega 100 skjálftar mældust úti fyrir landi, um tíu skjálftar í Öxarfirði, tæplega 30 austan og norðaustan við Grímsey og um þrír tugir við Flatey, um 15 á Eyjafjarðarálnum og einhverjir dreifðir. Stærsti skjálftinn úti fyrir landi mældist á Kolbeinseyjahrygg 2,7 að stærð.

Hálendið

Tæplega 150 skjálftar mældust á Hálendinu í vikunni, stærsti skjálftinn mældist 2,2 að stærð þann 21. maí í norðanverðri Bárðarbungu. Alls mældust 25 skjálftar í Bárðarbungu. Rúmlega 15 skjálftar mældust í Berganginum sem liggur undir Dyngjujökli. Við Öskju, Herðubreið og Herðubreiðartögl mældust um 50 skjálftar allir minni en 1,5 að stærð. Í Öræfajökli mældust 15 skjálftar stærsti 1,2 að stærð. Við Grímsvötn mældust 7 skjálftar tveir af þeim 1,6 að stærð en aðrir minni. Við Esjufjöll mældust 2 skjálftar og við Kverkfjöll mældust aðrir 2. Á vestanverðu hálendinu réttara sagt í við Langjökul mældist skjálfti um 2,0 að stærð í austanverðum Geitlandsjökli.

Fimm skjálftar mældust á Torfajökulsvæðinu, stærsti 1,7 að stærð 22. maí.

Mýrdalsjökull

Um 15 skjálftar mældust í Mýrdalsjökli í vikunni, allir undir 1,0 að stærð

Vakthafandi Náttúruvársérfræðingur