	Veðurstofa Íslands Jarðeðlissvið

Jarðskjálftar 20180820 - 20180826, vika 34

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Í vikunni voru staðsettir um 340 skjálftar með SIL-kerfi Veðurstofu Íslands, svipað og í vikunni á undan. Stærsti skjálfti vikunnar mældist 2,9 að stærð um 27 km VNV af Sigulfirði þann 22. ágúst kl. 23:10. Nokkur virkni var í Öræfajökli í vikunni.

Suðurland

Rúmlega 40 skjálftar mældust Suðurlandi í liðinni viku. Stærsti skjálftinn var af stærð 1,7, þann 21. ágúst. Rúmlega 20 skjálftar mældurst á Hengilsvæðinu. Á Suðurlandsbrotabeltinu mældust rúmlega 20 smáskjálftar. Einn smáskjálfti mældist við Heklu.

Reykjanesskagi

Rúmlega 20 skjálftar mældust út á Reykjaneshrygg og á Reykjanesskaga í vikunni, nokkuð færri en vikuna á undan. Stærsti skjálftinn var 2,0 að stærð þann 25. ágúst við Reykjanestá. Þá mældurst tveir skjálftar úti á Reykjaneshrygg, sá stærri var 1,7 að stærð þann 22. ágúst. 4 skjálftar mældust við Kleifarvatn.

Norðurland

Rúmlega 70 skjálftar mældust á Norðurlandi, svipað og vikuna á undan. Stærsti skjálftinn var af stærð 2,9 um 27 km VNV af Siglufirði, þann 22. ágúst kl. 23:10. Um 15 jarðskjálftar mældust í Öxarfirði og um 20 skjálftar mældurst á Húsvíkur-Flateyjarmisgenginu. Um 25 jaðrskjálftar mældust á Grímseyjarbeltinu og um 5 skjálftar mældust við Kröflu.

Vatnajökull

Tæplega 150 jarðskjálftar mældust undir Vatnajökli í liðinni viku, heldur fleiri en í síðustu viku. Flestir skjálftar mældust í Öræfajökli. Um 10 jarðskjálftar mældust í Bárðarbungu, sá stærsti var af stærð 2,4, þann 20. ágúst. Tæplega 10 smáskjálftar mældust í bergganginum undir og fyrir framan Dyngjujökul. Sex skjálftar mældust við Grímsvötn og tveir skjálftar á Lokahrygg. Rúmlega 100 skjálftar mældust í Öræfajökli sem er heldur meira en vikuna á undan þegar rúmlega 40 skjálftar voru mældir. Flestir skjálftar í Öræfajökli mældust í vestanverðri öskjunni og við öskjurima og einnig í grennd við Hvannadalshnjúk. Stærsti skjálftinn 2,2 að stærð mældist við norðvestanverðan rimann, tæpir 20 skjálftar voru milli 1,0 og 2,0 að stærð, aðrir voru undir 1,0 að stærð.

Hálendið

Við Öskju mældust rétt tæplega 20 skjálftar, allir undir 1,4 að stærð. Við Herðubreið og Herðubreiðartögl mældust um 10 smáskjálftar. Fimm skjálftar mældust á vestra gosbeltinu í vikunni, sá stærsti 2,4 að stærð í Langjökli.

Mýrdalsjökull

Rúmlega 10 smáskjálftar mældust í Mýrdalsjökli í vikunni, töluvert færri en vikuna á undan, allir innan við eitt stig. Sex jarðskjálftar mældust á Torfajökulsvæðinu, sá stærsti 1.6 að stærð. Einn jarðskjálfti mældist í Eyjafjallajökli. -->

Jarðvakt