	Veðurstofa Íslands Jarðeðlissvið

Jarðskjálftar 20180924 - 20180930, vika 39

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 220 jarðskjálftar mældust með SIL-mælakerfi Veðurstofu Íslands í vikunni, nær helmingi færri en vikuna á undan. Stærsti skjálfti vikunnar við Ísland var 2,4 að stærð 12 km norðnorðaustur af Grímsey þann 30. september kl. 13:05 en einn skjálfti af stærð 2,6 mældist rúmlega 250 km norður af landi. Nokkur virkni var í Öræfajökli, þar af mest af smáskjálftum og sá stærsti mældist 1,7 að stærð. Alls mældust fjórir jarðskjálftar í Heklu, einn skjálfti af stærð 1,7 á rúmlega 25 km dýpi þann 25. september og tveir smáskjálftar að morgni 27. september.

Suðurland

Um 33 jarðskjálftar mældust á Suðurlandi í vikunni, töluvert færri en vikuna á undan. Stærsti skjálftinn var 1,7 að stærð á 26 km dýpi þann 25. september kl.19:19 um 2,5 km norður af Heklu. Alls mældust 17 skjálftar á víð og dreif um Hengilssvæðið í vikunni, þar af 2 smáskjálftar á Nesjavöllum 25. og 28. september og enginn á suðurlandsbrotabeltinu.

Reykjanesskagi

Um 27 skjálftar mældust á Reykjanesskaga, mun færri en vikuna á undan. Sá stærsti var 2,2 þann 27. september á Reykjanesinu þar sem alls mældust 8 skjálftar. 5 smáskjálftar mældust við Kleifarvatn þann 25. og 27. september.

Norðurland

38 jarðskjálftar mældust á Norðurlandi í vikunni, þar af 17 á Grímseyjarbeltinu og 8 vestast á Húsavíkur-Flateyjarmisgenginu í Eyjafjarðardjúpi. Stærsti skjálfti vikunnar var 2,6 af stærð rúmlega 250 km norður af Íslandi. Þann 30. september kl.13:05 varð skjálfti af stærð 2,6 12 km norðnorðaustur af Grímsey. Fjórir smáskjálftar mældust suðvestur af Kröflu og fimm við Þeistareyki.

Hálendið

Í Vatnajökli mældust 94 skjálftar í Vatnajökli, þar af rúmlega helmingur í Öræfajökli. Flestir skjálftar í Öræfajökli mældust á suðausturbrún öskjunnar og stærsti skjálftinn var 1,7 að stærð þann 28. september. Stærsti skjálftinn í Vatnajökli mældist 1,9 að stærð í Bárðarbungu þann 25. september kl. 21:51. 24 skjálftar mældust í Bárðarbunguöskjunni og 7 í bergganginum undir Dyngjujökli. Einn skjálfti af stærð 1,4 mældist við Sandvatn 8 km suður af Langjökli. Við Öskju mældust 5 smáskjálftar og 7 skjálftar mældust á víð og dreif umhverfis Herðubreið.

Mýrdalsjökull

Fjórir jarðskjálftar mældust í Kötluöskju, sá stærsti 0,7 að stærð.

Nátturuvársérfræðingur á vakt