	Veðurstofa Íslands Jarðeðlissvið

Jarðskjálftar 20181210 - 20181216, vika 50

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

260 jarðskjálftar mældust með með SIL-mælakerfi Veðurstofu Íslands í vikunni, nokkuð færri en vikuna á undan þegar þeir voru rúmlega 300. Stærsti skjálftinn, 3,0 af stærð, var 3 km vestur af Flatey þann 14. desember. Virknin í Öræfajökli var töluvert minni en fleiri jarðskjálftar mældust í Bárðarbungu og Heklu en í síðustu viku.

Suðurland

Rúmlega 45 skjálftar mældust á Suðurlandi í vikunni, þar af 24 á Hengilsvæðinu. Stærsti skjálftinn var af stærð 1,4 við Húsmúla þann 10. desember. 19 skjálftar mældust á Suðurlandsbrotarbeltinu, töluvert færri en vikuna áður þegar rúmlega 30 skjáftar mældust. Fjórir jarðskjálftar mældust við Heklu, sá stærsti 1,1 að stærð 2 km SA af fjallinu. Hinir skjálftarnir voru allir grunnir og mældust í fjallinu sjálfu.

Reykjanesskagi

Rúmlega 30 jarðskjálftar mældust á Reykjanesskaga í þessari viku, sem er um helmingi fleiri en mældust síðustu tvær vikur þegar að þeir voru um 16 talsins. Stærsti skjálftinn var 1,9 að stærð yst á suðvestanverðu Reykjanesinu þann 10. desember. Annar skjálfti, 1,8 að stærð, mælist tæplega 3 km vestur af Krýsuvík þann 16. desember. Engir skjálftar mældust úti á Reykjaneshrygg.

Norðurland

Í þessari viku mældust rúmlega 60 skjálftar á Norðurlandi, þar af 41 á Tjörnesbrotabeltinu, fleiri en í síðustu viku þegar þeir voru 34 talsins. Stærsti skjálfti vikunar á landinu, 3,0 að stærð þann 14. desember var staðsettur um 3 km vestur af Flatey.

Hálendið

Um 50 jarðskjálftar mældust undir Vatnajökli í vikunni, nær helmingi færri en vikuna á undan. 12 skjálftar mældust á víð og dreif í Öræfajökli og voru þeir mun færri en vikuna á undan þegar þeir voru 35 talsins. Virknin í Bárðarbungu var meiri en vikuna áður og mældust nú 23 skjálftar á víð og dreif um öskjuna, þar af tveir skjálftar af stærð 2,1 þann 15. desember og 2,0 að stærð þann 12. desember. Sex smáskjálftar mældust í ganginum frá Bárðarbungu. Rúmlega 20 skjálftar mældust við Öskju og voru flestir þeirra staðsettir á austurbrún öskjunar, sá stærsti 1,9 að stærð. 18 smáskjálftar mældust við Herðurbreiðartögl sem samsvarar virkni síðustu viku. Tveir skjálftar mældust við Langjökul, sá stærri 1,3 að stærð í suðvestanverðum Geitlandsjökli þann 10. desember. Minni skjálftinn var staðsettur í Tindaskaga, og mældist 1,0 að stærð. Djúpur skjálfti af stærð 0,9 mældist á Sprengisandi þann 13. desember og annar 0,7 að stærð við Tungnafellsjökul sama dag. Aðeins einn skjálfti mældist í Grímsvötnum í liðinni viku.

Mýrdalsjökull

Níu skjálftar mældust undir Mýrdalsjökli í vikunni. Fjórir þeirra voru staðsettir í öskjunni en aðrir skjálftar mældust við yfirborð í Kötlujökli og Tungnakvísljökli. Tveir skjálftar af stærð 2,5 og 1,1 mældust í Ljósárfjöllum að morgni 14. desember, einn við Tindfjöll og annar við Torfajökull, báðir um 1,2 að stærð. Náttúruvársérfræðingur á vakt

Jarðvakt