	Veðurstofa Íslands Jarðeðlissvið

Jarðskjálftar 20181217 - 20181223, vika 51

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Tæplega 950 jarðskjálftar mældust með SIL-mælakerfi Veðurstofu Íslands í vikunni. Mun fleiri en vikuna á undan þegar aðeins 260 jarðskjálftar voru staðsettir. Jarðskjálftarnir mældust flestir í tveimur jarðskjálftahrinum, fyrri hrinan hófst 18 desember, og varði til 20. desember í Herðubreið suðvestanverðri og taldi um 330 skjálfta. Síðari hrinan hófst þann 19. desember og var kröftug fram til 21. desember við Fagradalsfjall á Reykjanesi, og er í rénun, hún taldi rúmlega 360 skjálfta í vikunni. Stærsti skjálfti hrinunar af stærð 3,2, fannst í byggð 20. des. kl. 14:26 og barst tilkynning þess efnis í gegnum vef Veðurstofunnar. Stærsti skjálfti vikunnar mældist í Bárðarbungu 3,6 að stærð.

Suðurland

Tæplega 20 skjálftar mældust á Suðurlandi í vikunni allir á suðurlandsbrotabeltinu. Þeir voru um og undir 1,0 að stærð. Enginn skjálfti mældist í Heklu í vikunni.

Reykjanesskagi

Rúmlega 380 jarðskjálftar mældust á Reykjanesskaga í þessari viku, allflestir þeirra um 360 mældust í jarðskjálftahrinu í Fagradalsfjalli sem hófst þann 19. desember og varði fram til 21. desember. Stærsti skjálfti hrinunar og jafnframt svæðisins, af stærð 3,2, mældist þann 20 des. kl. 14:26 og varð hans vart í Grindavík og barst tilkynning þess efnis í gegnum skráningarvef. Utan hrinunar mældust um tæplega 20 skjálftar í fremur beinni línu með stefnu NNV/SSE um 3,5 km vestur af Kleifarvatni allir um og undir 1,0 að stærð. Á Reykjaneshrygg mældust 7 skjálftar, stærsti 2,1 að stærð við Eldeyjarborða þann 22. des.

Norðurland

Í þessari viku mældust um 60 skjálftar á Norðurlandi, svipað og vikunna á undan. Rúmur tugur við Grímsey, um tugur á Eyjafjarðarál, 15 í Öxarfirði, um 6 á Húsavíkur Flateyjar misgenginu. Stærsti skjálftinn af stærð 1,7 mældist á Grímseyjargrunni. Á landi mældist einn í sunnanverðum Flateyjardal, 3 við Kröflu, 2 við Þeystareyki og 2 á Vestur Sandi.

Hálendið

Um 450 skjálftar mældust á Hálendinu í vikunni, þar af flestir í jarðskjálftahrinu 18. til 20. desember í suðvestanverðri Herðubreið sem taldi um 330 skjálfta um 20 skjálftar að auki mældust við Herðubreiðartögl og nágrenni. Stærsti skjálfti hrinunar mældist 3,4 að stærð þann 18. des. Átta skjálftar mældust í Öskju, allir undir 1 að stærð. Þann 18. desember mældust 4 skjálftar í norðanverðum Dyngjufjalladal stærsti 2,4 að stærð.
Í Vatnajökli mældust um 75 skjálftar í vikunni, flestir við Bárðarbungu rúmir 40 skjálftar, þar 17. desember mældist einnig stærsti skjálfti vikunnar af stærð 3,6 við suðaustanverða Bárðarbunguöskjuna. Undir Dyngjujökli mældust tæpir 20 smáskjálftar allir undir 1 að stærð. Í Öræfajökli mældust 6 skjálftar stærsti 1,5 að stærð þann 20. des. 2 skjálftar mældust í Grímsvötnum sá stærri 1,2 að stærð.
Í vestanverðum Langjökli mældist 1 skjálfti af stærð 1,5 en alls mældust 6 skjálftar mældust á vestara gosbeltinu.

Mýrdalsjökull

Fimm skjálftar mældust í Mýrdalsjökli í vikunni. Fjórir þeirra voru staðsettir við yfirborð Kötlujökuls en aðeins einn í Kötluöskjunni af stærð 0,6. Við sunnanverðan Eyjafjallajökul mældist skjálfti 1,2 stærð þann 17. des. Á Torfajökulssvæðinu mældist 1 skjálfti 0,7 að stærð.

Náttúruvársérfræðingur á vakt