	Veðurstofa Íslands Jarðeðlissvið

Jarðskjálftar 20181231 - 20190106, vika 01

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 200 jarðskjálftar voru staðsettir með SIL-mælakerfi Veðurstofu Íslands í vikunni, mun færri en í vikunni á undan þegar um 300 skjálftar voru staðsettir. Stærsti skjálfti vikunnar varð þann 1. janúar kl. 07:12 langt norður á Kolbeinseyjarhrygg, 3,6 að stærð. Þó nokkrir aðri um og yfir 3 að stærð mældust á sömu slóðum í vikunni.

Suðurland

Tæplega 40 skjálftar mældust á Suðurlandsbrotabeltinu. Sá stærsti var 1.5 að stærð skammt suður af Skálafelli. 5 skjálftar mældust á Hengils svæðinu. Enginn skjálfti mældist í Heklu í vikunni.

Reykjanesskagi

Rúmlega 20 jarðskjálftar voru staðsettir á Reykjanesskaganum í þessari viku, mun færri en vikuna á undan. Sá stærsti var 2.3 að stærð rétt við Kleifarvatn. 8 skjálftar mældust á Reykjaneshryggnum, sá stærsti 2.5 að stærð, við Reykjanestána.

Norðurland

Rúmlega 40 skjálftar mældust á Norðurlandi í vikunni, sá stærsti 2.2 að stærð rétt norður af Grímsey. Örfáir smáskjálftar mældust við Kröflu og Þeistareiki. 8 skjálftar mældust norður á hrygg, sá stærist var 3.6 að stærð.

Hálendið

Um 50 jarðskjálftar mældust undir Vatnajökli í vikunni, færri en í vikunni á undan. Í Öræfajökli mældust tæplega 20 skjálftar, sá stærsti var 2.3 að stærð þann 6 janúar kl. 07:14. Aðeins fjórir jarðskjálftar mældust í Bárðarbungu og 13 skjálftar mældust í ganginum. Þrír jarðskjálftar mældust við Grímsvötn og um 4 í kringum Hamarinn. Um 40 skjálftar mældust við Öskju og Herðubreið.

Mýrdalsjökull

Mjög rólegt var í Mýrdalsjökli, en einungis fjórir smáskjálftar mældust þar í vikunni og er það svipaður fjöldi og í fyrri viku. Tveir skjáfltar voru á Torfajökulssvæðinu.

Jarðvakt