	Veðurstofa Íslands Jarðeðlissvið

Jarðskjálftar 20190107 - 20190113, vika 02

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 210 jarðkjálftar voru staðsettir með SIL-mælakerfi Veðurstofu Íslands í vikunni, svipaður fjöldi og í vikunni á undan. Enginn skjálfti yfir 3 að stærð mældist í vikunni, en stærsti skjálfti vikunnar var 2,2 að stærð norðaustur af Grímsey 13. janúar kl 17:21. Heldur minni virkni var í Öræfajökli í vikunni samanborið við fyrri viku, svipuð í Bárðarbungu, en meiri í Grímsvötnum og Heklu.

Suðurland

Rúmlega 50 jarðskjálftar mældust á Suðurlandsbrotabeltinu, heldur fleiri en vikuna á undan þegar þeir voru um 40. 30 jarðskjálftar mældust í hrinu 7. janúar um 5 km VSV af Þjórsárbrú á þekktu sprungusvæði, allir undir 1,1 að stærð. Fimm skjálftar mældust á Hengilssvæðinu. Þrír smáskjálftar mældust í Heklu.

Reykjanesskagi

11 jarðskjálftar mældust á Reykjanesskaga í vikunni, um helmingi færri en vikuna á undan. Skjálftarnir voru allir litlir og á víð og dreif um skagann. Fimm skjálftar mældust á Reykjaneshrygg, allir undir 2 að stærð.

Norðurland

Tæplega 40 jarðskjálftar mældust úti fyrir Norðurlandi í vikunni, svipaður fjöldi og í síðustu viku. Stærsti skjálftinn og jafnframt stærsti skjálfti vikunnar var 2,2 að stærð 13. janúar kl 17:21 NA af Grímsey. Alls mældust um 20 skjálftar á Grímseyjarbeltinu og 14 á Húsavíkur - Flateyjar misgenginu. Tveir smáskjálftar mældust við Þeistareyki og tveir við Kröflu.

Hálendið

50 jarðskjálftar mældust undir Vatnajökli í vikunni, mjög svipaður fjöldi og vikuna á undan. 14 skjálftar mældust í Öræfajökli, heldur færri en vikuna á undan þegar þeir voru um 20. Stærsti skjálftinn var 2,2 að stærð 12. janúar, en hinir allir minni en 1. Sex skjálftar mældust í Bárðarbungu og um tugur í ganginum. Sjö skjálftar mældust við Grímsvötn, um helmingi fleiri en vikuna á undan. Fimm skjálftar mældust við Þórðarhyrnu og einn við Kverkfjöll. Sjö skjálftar mældust við Öskju og um tugur við Herðubreið og Herðubreiðartögl.

Mýrdalsjökull

Átta smáskjálftar mældust undir Mýrdalsjökli í vikunni, helmingi fleiri en vikuna á undan þegar fjórir skjálftar mældust. Þrír smáskjálftar mældust á Torfajökulssvæðinu.

Jarðvakt