	Veðurstofa Íslands Jarðeðlissvið

Jarðskjálftar 20190114 - 20190120, vika 03

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 210 jarðskjálftar voru staðsettir með SIL-mælakerfi Veðurstofu Íslands í vikunni, svipaður fjöldi og í vikunni á undan. Stærsti skjálfti vikunnar var 2,9 að stærð, þann 14. janúar kl. 17:08, norðaustur af Eyjafirði. Minni virkni var í Öræfajökli, Bárðarbungu og á Suðurlandi í vikunni samanborið við fyrri viku, en meiri á Norðurlandi. Enginn jarðskjálfti í Heklu.

Suðurland

Rúmlega 20 smáskjálftar mældust á Suðurlandsbrotabeltinu, heldur færri en vikuna á undan þegar þeir voru 50. Níu skjálftar mældust á Hengilssvæðinu, sá stærsti 2,2 að stærð, þann 14. janúar kl.10:50. Enginn jarðskjálfti mældist í Heklu.

Reykjanesskagi

Um 20 jarðskjálftar mældust á Reykjanesskaga í vikunni, nokkru fleiri en vikuna á undan, þegar 11 mældust. Skjálftarnir voru á víð og dreif við Bláfjöll, suðvestur af Kleifarvatn og vestur af Gríndavík. Þrir skjálftar mældust á Reykjaneshrygg, sá stærsti 2,3 að stærð.

Norðurland

Tæplega 60 jarðskjálftar mældust á Norðurlandi í vikunni, nokkru fleiri en vikuna á undan, þegar 40 mældust. Stærsti skjálftinn og jafnframt stærsti skjálfti vikunnar var 2,9 að stærð, þann 14. janúar kl. 17:08, úti fyrir mynni Eyjafjarðar. Alls mældust tæplega 40 skjálftar á Grímseyjarbeltinu, sá stærsti 2,3 að stærð og 15 á Húsavíkur - Flateyjar misgenginu. Sex smáskjálftar mældust í Öxarfirði. Einn smáskjálfti mældist við Þeistareyki og fimm við Kröflu.

Hálendið

Rúmlega 50 jarðskjálftar mældust undir Vatnajökli í vikunni, svipaður fjöldi og í síðustu viku. Sjö smáskjálftar mældust í Öræfajökli, heldur færri en vikuna á undan þegar þeir voru 14. Um 10 smáskjálftar mældust í Bárðarbungu, allir undir 1,2 að stærð og 10 í ganginum, sá stærsti 2,1 að stærð. Þrír smáskjálftar mældust við Grímsvötn, um helmingi færri en vikuna á undan. Þrír smáskjálftar mældust við Skáftárkatlanna, einn við Hamarinn og einn við Kverkfjöll. Rúmlega 20 skjálftar mældust við Öskju, um 20 við Herðubreið og Herðubreiðartögl, allir undir 1,5 að stærð. Einn smáskjálfti mældist suður af Langjökli.

Mýrdalsjökull

Rúmlega 10 jarðskjálftar mældust undir Mýrdalsjökli í vikunni, svipaður fjöldi og í vikunni á undan. Stærsti skjálftinn var 1,6 að stærð. Fimm smáskjálftar, allir undir einum af stærð mældust á Torfajökulssvæðinu.

Jarðvakt