	Veðurstofa Íslands Eftirlits- og spársvið

Jarðskjálftar 20190325 - 20190331, vika 13

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 2.700 skjálftar voru staðsettir með SIL-mælakerfi Veðurstofu Íslands í vikunni. Þar af voru um 2540 staðsettir í jarðskjálftahrinu í Öxarfirði, um 7 km suðvestur af Kópaskeri. Um 1200 þeirra hafa verið yfirfarnir handvirkt en stuðst er við sjálfvirkni í heildartölu skjálfta. Stærsti skjálfti hrinunar af stærð 4,2 þann 27. mars reyndist stærsti skjálfti vikunnar. Annarsstaðar var fremur lítil virkni en norðaustan við Grímsey mældust tæplega 50 skjálftar.

Suðurland

Í vikunni var um tugur skjálfta staðsettur dreift á Suðurlandsbrotabeltinu. Svipaður fjöldi skjálfta mældist á Hengilssvæðinu þar sem stærsti skjálftinn var af stærð 1,8 þann 28. mars, við Nesjavelli. Þetta eru heldur færri skjálftar en í viku 12 þar sem um 40 skjálftar mældust samantalið á báðum svæðum.

Reykjanesskagi

Áfram var fremur róleg virkni á Reykjanesskaganum þar sem sjö skjálftar mældust, sem er sama tala og vikunna á undan. Þrír skjálfar voru staðsettir austan við Heiðaina Há, rétt austan Brennisteinsfjalla, stærsti af stærð 1,7. Aðrir þrír skjálftar mældust rétt sunnan við Langahrygg stærsti af stærð 2,0. Stakur skjálfti af stærð 0,7 mældist um 2 km norður af Vogsósum. Þrír jarðskjálftar voru staðsettir úti fyrir landi við Eldeyjardranga, stærsti um 2 að stærð, 25. mars.

Norðurland

Jarðskjálftahrina hófst laugardaginn 23. mars í Öxarfirði um 7 km suðvestur af Kópaskeri, hrinan hélt áfram alla 13. viku og mældi sjálfvirka mælakerfið um 2.540 skjálfta. Um 1200 þeirra hafa verið yfirfarnir handvirkt en stuðst er við sjálfvirkni í heildartölu skjálftana. Utan við hrinuna mældust 70 skjálftar úti fyrir landi. Auk þess sem tveir smáksjálftar mældust við Kröflu og aðrir tveir við Þeistareyki.

Jarðskjálftahrinan er sú öflugasta á þessari sprungu séu skoðuð gögn aftur til 1991, Kópaskersskjálftinn 13. janúar 1976 hrökk á svipuðum slóðum. Þekkt er að jarðskjálftahrinum geti fylgt stærri jarðskjálftar, en jarðskjálftahrinum lýkur þó í flestum tilfellum án stærri atburða. Hrinan er tektónísk sem sést á því hvernig skjálftarnir raðast í stefnu norður/suður.

Afstæðar staðsettningar (rauðir punktar) sína vinstrihandar sniðgengi með strik um 15 gráður austan við norður. Upptakadýpi skjálftana er á um 2 til 5 km dýpi.
Talið er að það sé innistæða fyrir stærri skjálfta á Grímseyjarbrotabeltinu. Þann 28. mars lýstu Ríkislögreglustjóri í samráði við Lögreglustjórann á Norðurlandi eystra yfir óvissustigi almannavarna vegna jarðskjáftahrinunar.
25. mars mældust um 90 skjálftar í hrinunni, rumlega 300 daginn eftir og 27. - 29. mars mældust yfir 500 skjálftar á dag, þar af var mest virkni 28. mars þar sem 780 skjálftar mældust. Sólarhringana á eftir 30. - 31. mars var virknin um 100 skjálftar á dag. Stærsti skjálfti hrinunar mældist í 27. mars, af stærð 4,2 kl. 20:29, en í allri hrinunni hafa mælst 8 skjálftar af stærð 3 og yfir. Veðurstofunni hafa borist tilkynningar um að íbúar á Kópaskeri og í Kelduhverfi hafi fundið fyrir stærstu skjálftunum, allrastærsti skjálftinn fannst einnig á Húsavík og í Þistilfirði.

Norðaustan við Grímsey mældust tæplega 50 skjálftar, flestir 26. til 27. mars, þar mældist stærsti skjálftinn 2,5 að stærð kl. 19:46 þann 26. mars. Fjórir skjálftar um 1,0 að stærð mældust um 20 km norður af Mánártanga á Tjörnesi þann 31. mars. Innan við 10 skjálftar mældust á Húsavíkur-Flateyjarmisgenginu, stærsti 1,1 að stærð. Á Eyjafjarðarál mældust þrír skjálftar 26. mars stærsti 1,4 að stærð.

Hálendið

Tæplega 50 jarðskjálftar mældust á hálendinu í vikunni, töluvert færri en vikuna á undan þegar að um 100 skjálftar voru staðsettir. Tæplega 30 skjálftar voru staðsettir í Vatnajökli, þar af 7 í Öræfajökli allir undir 1 að stærð. 12 skjálftar voru staðsettir í bergganginum suðaustan Bárðarbungu, stærsti af stærð 1,1, en aðrir voru undir 1 að stærð. Tveir skjálftar mældust austan við Hamarinn, 1,4 og 1,8 að stærð. Tveir skjálftar mældust við sitthvorn jaðar Dyngjujökuls sem og einn í Breiðamerkurjökli. Norðan Vatnajökuls mældist 1 skjálfti norðan Tungnafellsjökulls 0,9 að stærð. Tæpur tugur skjálfta var staðsettur austan Öskjuvatns og annar tugur við Herðubreið og Herðurbreiðartögl, þar mældist skjáflti af stærð 1,6 í Herðubreið 25. mars.

Mýrdalsjökull

Þrír skjálftar mældust í Mýrdalsjökli í vikunni, talsvert færri en vikunna á undan þegar 16 skjálftar mældust. Allir skjálftarnir voru undir 1 að stærð. 4 skjálftar mældust á Torfajökulssvæðinu allir undir 1,5 að stærð.

Náttúruvársérfræðingur á vakt