	Veðurstofa Íslands Jarðeðlissvið

Jarðskjálftar 20190401 - 20190407, vika 14

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Yfirlit: Um 700 jarðskjálftar voru staðsettir með SIL-mælakerfi Veðurstofu Íslands í vikunni miðað við 2700 í síðustu viku. Mesta virknin var suðvestur af Kópaskeri, eins og í fyrri viku, en mikið hefur dregið úr henni í þessari viku. Stærsti skjálfti vikunnar var 2,7 og var hann við Kópasker. Tveir skjálftar sem urðu á Hengilssvæðinu þann 5. og 6. apríl fundust í Hveragerði.

Suðurland

Rúmlega 20 skjálftar mældust á Hengilssvæðinu. Tæpur helmingur var skammt vestur af Ölkelduhnúk. Tveir stærstu skjálftarnir á þeim stað fundust í Hveragerði. Sá fyrri var 5. apríl kl. 20:17, 2,6 að stærð og sá síðari daginn eftir (6. apríl) kl. 15:50. Sá var 2,0 að stærð. Aðrir skjálftar voru mun minni. Nokkrir skjálftar mældust í Þrengslum og í Ölfusi. Tæplega 20 jarðskjálftar mældust á Suðurlandsundirlendi, allir vel undir tveimur stigum. Einn smáskjálfti mældist undir Heklu.

Reykjanesskagi

Um 20 jarðskjálftar mældust á Reykjanesskaganum, allir um og innan við eitt stig. Rólegt var á Reykjaneshrygg.

Norðurland

Um 400 jarðskjálftar mældust í Tjörnesbrotabeltinu í vikunni, langflestir voru í Öxarfirði, suðvestur af Kópaskeri þar sem skjálftahrina hófst 23. mars s.l. Dregið hefur úr hrinunni síðustu daga en enn mælast skjálftar á svæðinu, nú í tugum taldir dag hvern, en ekki hundruðum eins og í upphafi. Stærsti skjálftinn í þessari viku var 2. apríl kl. 06:46, 2,7 að stærð. Nokkrir til viðbótar hafa mælst yfir tveimur stigum en flestir voru um og innan við eitt stig. Önnur virkni úti fyrir Norðurlandi var að mestu í Grímseyjarbeltinu.
Nokkrir litlir skjálftar mældust við Kröflu.

Hálendið

Mun meiri virkni var á hálendinu í þessari viku en þeirri fyrri. Þessa viku mældust rétt um 200 jarðskjálftar miðað við 50 í liðinni viku. Rúmlega 60 skjálftar voru staðsettir undir Vatnajökli í vikunni en 30 í þeirri síðustu. Rúmlega 20 smáskjálftar urðu í Öræfajökli miðað við sjö í fyrri viku. Nokkrir smáskjálftar mældust við Grímsvötn og rólegt var í Bárðarbungu. Tæplega 30 skjálftar voru staðsettir í bergganginum undir Dyngjujökli, þar af helmingur á svæði suðaustur af Bárðarbungu þar sem mælast gjarnan skjálftar á talsverðu dýpi. Allir skjálftarnir voru litlir.
sissuRúmlega 50 skjálftar mældust við Öskju, einkum í henni austanverðri. Allt voru þetta smáskjálftar utan einn sem náði tveimur stigum. Tæplega 30 smáskjálftar mældust við Herðubreið og Herðubreiðartögl.
Síðla kvölds þann 2. apríl hófst skjálftavirkni undir Geitlandsjökli, í sunnanverðum Langjökli og varði hún fram eftir vikunni. Alls voru um 30 skjálftar staðsettir, þar af átta yfir tveimur stigum. Stærsti skjálftinn var 7. apríl kl. 01:15, 2,5 að stærð. Tæpur tugur skjálfta var staðsettur austan við Langjökul, stærsti tæp tvö stig.

Mýrdalsjökull

Um tugur skjálfta mældist í Mýrdalsjökli, litlu fleiri en vikuna á undan. Flestir skjálftarnir urðu við austanverðan öskjubarminn, stærsti var rúmt stig. Fimmtán skjálftar voru staðsettir á Torfajökulssvæðinu, flestir skammt norður af Kaldaklofsfjöllum. Stærstu skjálftar voru um tvö stig.

Jarðvakt