	Veðurstofa Íslands Jarðeðlissvið

Jarðskjálftar 20190408 - 20190414, vika 15

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Yfirlit: Um 530 jarðskjálftar voru staðsettir með SIL-mælakerfi Veðurstofu Íslands í vikunni, færri en í síðustu þegar mældurst um 700 jarðskjálftar. Skjálfti af stærð M3,5 mældist norður á hrygg þann 11. apríl, en hann var stærsti skjálfti vikunnar. Skjálfti af stærð M3,3 varð rétt norðaustur af Grímsey þann 8. apríl kl. 04:44. Jaðskjálfti á Hengilsvæðinu þann 8. apríl af stærð M2,2 fannst í Hveragerði og skjálfti í Öxarfirði þann 10. apríl af stærð M2,8 fannst á Kópaskeri

Suðurland

Tæplega 30 skjálftar mældust á Suðurlandi í vikunni. Um 10 skjálftar mældust á Suðurlands undirlendiu, og um 16 á Hengilsvæðinu. Sjálfti af stærð M2,2 við Ölkelduhnúk sem varð þann 8. apríl kl. 14:02 fannst í Hveragerði, aðrir skjálftar voru mun minni. Einn smáskjálfti mældist rétt norður af Heklu.

Reykjanesskagi

15 jarðskjálftar mældust á Reykjanesskaganum, allir innan við eitt stig. Fjórir skjálftar mældust á Reykjaneshrygg, allir undir M2,0.

Norðurland

Um 250 jarðskjálfar mældust á Tjörnesbrotabeltinu í vikunni. Mesta virknin var í Öxarfirði, suðvestur af Kópaskeri þar sem skjálftahrina hófst 23. mars s.l. Dregið hefur verulega úr hrinunni síðustu daga en enn mælast skjálftar á svæðinu. Einnig var mikil virkni norðaustur af Grímsey Stærsti skjálftinn var þann 8. apríl kl. 04:44, M3,3 að stærð, rétt norðaustur við Grímsey. Skjálfti af stærð M3,5 mældist norður á hrygg þann 11. apríl.

Hálendið

Rúmlega 200 jarðskjálftar mældust á hálendinu í vikunni, svipaður fjöldi og vikuna áður. Rúmlega 120 jarðskjálftar voru staðsettir undir Vatnajökli í vikunni. Rúmlega 20 skjálftar voru í Öræfajökli, allir undir einum á stærð. 12 skjálftar voru staðsettir í Grímsvötnum, um 15 suður af Grímsvötnum og 5 í grennd við Hamarinn. Sjö skjálftar mældust í Bárðarbungu og rúmlega 40 jarðskjáftar voru staðsettir í bergganginum undir Dyngjujökli, þar af helmingur á svæði suðaustur af Bárðarbungu þar sem skjálftar eru gjarnann á talsverðu dýpi. Allir skjálftarnir voru undir einum á stærð.
Rúmlega 30 skjálftar mældur við Öskju, sá stærsti var af stærð M1,9. Aðrir voru minni en M1,0. Rúmlega 20 skjálftar mældust við Herðubreið og Herðubreiðartögl.
Um 12 Skjálftar voru staðsettir við Kröflu.
Þrír skjálftar voru staðsettir við Geitlandsjökul í sunnanverðum Langjökli. 16 skjálftar voru staðsettir austan við Langjökul, stærsti tæp 2 stig.

Mýrdalsjökull

Sjö skjálftar mældust í Mýrdalsjökli í vikunni, mun færri en vikuna á undan. Einn skjálfti mældist við Eyjafjallajökul og sjö skjálftar í Torfajökulssvæðinu.

Jarðvakt