	Veðurstofa Íslands Jarðeðlissvið

Jarðskjálftar 20190422 - 20190428, vika 17

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 330 jarðskjálftar voru staðsettir með SIL-mælakerfi Veðurstofu Íslands í vikunni, nokkrir fleiri en í síðustu viku þegar um 270 jarðskjálftar mældust. Svipuð virkni var á flestum svæðum samanborðið við fyrri viku, nema í Vatnajökli og á Grímseyjarbeltinu. Stærsti skjálfti vikunnar var 2,7 að stærð í Öxarfirði, þann 28. apríl. Enginn skjálfti mældist við Heklu. Sex smáskjálftar mældust í Öræfajökli.

Suðurland

Rúmlega 30 skjálftar mældust á Suðurlandi í vikunni, þarf af um 15 á Suðurlandsbrotabeltinu og 16 á Hengilssvæðinu, allir undir 1,8 að stærð. Þetta eru álíka margir og í síðustu viku. Enginn skjálfti mældist við Heklu.

Reykjanesskagi

25 jarðskjálftar mældust á Reykjanesskaga, aðeins fleiri en í síðustu viku. Sá stærsti var 2,0 að stærð, austur af Grindavík. Flestir skjálftar voru suður af Fagradalsfjalli. Tveir smáskjálftar mældust á Reykjaneshrygg.

Norðurland

Tæplega 140 jarðskjálftar mældust á Tjörnesbrotabeltinu í vikunni, aðeins fleiri en í vikunni á undan þegar þeir voru um 120. Rúmlega 60 skjálftar mældust í Öxarfirði, sá stærsti 2,6 að stærð. Flestir voru staðsettir suðvestur af Kópaskeri þar sem skjálftahrinan var. Dregið hefur verulega úr hrinunni en enn mælast skjálftar á svæðinu. Um 50 jarðskjálftar mældust við Grímsey, sá stærsti 2,1 að stærð 28. apríl. Tæplega 20 jarðskjálftar mældust á Húsavíkur-Flateyjar misgenginu, sá stærsti 1,8 að stærð. Sex smáskjálftar mældust við Kröflu, og einn norður af Búrfelli.

Hálendið

Um 110 jarðskjálftar mældust undir Vatnajökli í vikunni, mun fleiri en í vikunni á undan þegar þeir voru um 50. Sex smáskjálftar mældust í Öræfajökli, allir undir einum að stærð, álíka margir og í fyrri viku. Tæplega 15 skjálftar mældust í Bárðarbungu, sá stærsti 1,5 að stærð. 10 skjálftar voru staðsettir í Grímsvötnum, allir undir 1,1 að stærð. Tæplega 20 smáskjálftar mældust í bergganginum undir og fyrir framan Dyngjujökul, aðeins fleiri en í síðustu viku. Tæplega 20 smáskjálftar mældust við Öskju álíka margir og í síðustu viku og 30 skjálftar mældust við Herðubreið og Herðubreiðartögl, sá stærsti 2,2 að stærð. Við Langjökul mældust þrír skjálftar, sá stærsti 1,8 að stærð.

Mýrdalsjökull

Sex skjálftar mældust undir Mýrdalsjökli í vikunni, flestir innan Kötluöskjunnar sá stærsti 2,4 að stærð. Um 20 skjálftar mældust á Torfajökulssvæðinu, sá stærsti 1,7 að stærð.

Jarðvakt