	Veðurstofa Íslands Jarðeðlissvið

Jarðskjálftar 20190506 - 20190512, vika 19

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Um 65 jarðskjálftar mældust á Suðurlandsbrotarbeltunu í vikunni, þar af 30 skjálftar sem voru staðsettir í þyrpingu rúmlega 5 km NA af Selfossi 7. og 8 maí þar sem stærsti skjálftinn mældist 2,3 að stærð. Átta skjálftar mældist á Hengilsvæðinu, sá stærsti 2,5 að stærð á Ölkelduhálsi. Í Heklu mældust 3 skjálftar, sá stærsti 1,4 þann 8. maí.

Reykjanesskagi

Tæplega 30 skjálftar mældust á Reykjanesskaga þessu vikuna, eða um helmingi færri en í síðustu viku. Á Krísuvíkusvæðinu mældust níu skjálftar, sá stærsti 1,4 að stærð, þrír við Kleifarvatn og þrír í Brennisteinsfjöllum. Sjö skjálftar mældust norðan við Reykjanestá. Á Reykjaneshrygg mældust 5 skjálftar, sá stærsti 2,8 um 170 km suðvestur af landinu.

Norðurland

Um 65 skjálftar mældust á Tjörnesbrotabeltinu í vikunni, töluvert færri en vikuna á undan þegar að þeir voru 140 talsins. Af þessum skjálftum mældust um tæplega 40 í Öxarfirði. Til viðbótar við skjálftana í Öxarfriði mældust um tíu skjálftar á Grímseyjarbeltinu. Um tuttugu jarðskjálftar mældust á Húsavíkur-Flateyjar misgenginu í vikunni, þar sem stærsti skjálfti vikunar mældist 2,9 að stærð um 14 km norður af Gjögurtá þann 11. maí. Sex smáskjálftar mældust á Kröflusvæðinu og fimm á Þeistareykjarsvæðinu í vikunni. Þann 6. maí mældust tveir skjálftar um 2 að stærð 200 km norður á hrygg.

Hálendið

Um fimmtán jarðskjálftar urðu við Öskju í vikunni, um helmingi færri en vikuna á undan, og voru flestir staðsettir á austurbrún öskjunar. Mikil skjálftavirkni var við Herðubreið og Herðubreiðartögl í vikunni, en tæplega 370 jarðskjálftar mældust þar. Flestir skjálftanna urður austan við Herðubreiðartögl eða um 300 talsins og mældist stærsti skjálftinn 2,7 að stærð þann 7. maí. Norðvestan við Herðubreið var virknin mest dagana 10.-12. maí og mældist stærsti skjálftinn 2,1 að stærð. Tæplega 110 jarðskjálftar mældust undir Vatnajökli í vikunni, nokkuð fleiri en í síðustu vikur þegar þeir voru um 80 talsins. Fjórtán smáskjálftar mældust í eða við Bárðarbunguöskjuna og tólf í ganginum, þar af 4 þar sem að hann beygir til norðurs. Austan við Tungnafellsjökul mældist einn skjálfti, 1,4 að stærð þann 12. maí. Við Grímsvötn mældust níu skjálftar, þar af fimm í öskjunni þar sem stærsti skjálftinn var 1,9 að stærð. Þann 7. maí mældist einn smáskjálfti mældist í Hamrinum og tveir í Þórðarðhyrnu. Víðsvegar í Öræfajökli mældust rúmlega 50 jarðskjálftar, þar af tæplega 30 í nánd við öskjuna þar stærsti skjálftinn mældist 2,3 að stærð þann 12. maí og fannst hann í byggð en aðrir voru undir 1 að stærð. Þrettán jarðskjálftar voru staðsettir vestan við Þórisjökul þann 9. og 10. maí, sá stærsi 1,7 að stærð og stakur smáskjálfti mældist austan við Sandvatn 10. maí. Tveir stakir smáskjálftar urðu í norðaustanverðum Hofsjökli og 6 km austan við Þórisvatn.

Mýrdalsjökull

Fjórir smáskjálftar mældust í Mýrdalsjökli í vikunni, sem er töluvert færri en vikuna á undan þegar að þeir voru 14 talsins. 27 skjálftar mældust í Torfajökli og voru flestir staðsettir í Hrafntinnuskeri. Stærsti skjálftinn á svæðinu, 1,4 að stærð, varð í Landmannalaugum þann 9. maí.

Elísabet Pálmadóttir Náttúruvársérfræðingu á Jarðvakt