	Veðurstofa Íslands Eftirlits- og spársvið

Jarðskjálftar 20190513 - 20190519, vika 20

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 340 jarðskjálftar voru staðsettir í 20. viku með SIL-mælakerfi Veðurstofu Íslands. Um helmingi færri skjálftar en vikunna á undan þegar 730 jarðskjálftar voru staðsettir. Stærsti skjálfti vikunnar mældist 2,7 að stærð í Torfajökulsöskjunni (13. maí), næst 2,6 að stærð í Öxarfirði (17. maí) og skjálfti af stærð 2,5 mældist á Reykjaneshrygg um 65km suðvestur af Reykjanestá (15. maí). Mest virki var við Herðubreið sem og í Öxarfirði. Enginn skjálfti mældist í Heklu og aðeins lítilsháttar smáskjálftavirkni í Bárðarbungu, Öræfajökli og Kötlu.

Suðurland

Rúmlega 30 jarðskjálftar mældust á Suðurlandi þar af 8 á Hengissvæðinu. Aðrir voru fremur dreifðir um svæðið. Stærsti skjálftinn mældist 2,0 að stærð um 5km norður af Hveragerði. Enginn skjálfti mældist í Heklu í vikunni.

Reykjanesskagi

Tæplega 30 skjálftar mældust á Reykjanesskaga í vikunni, sem er svipaður fjöldi og vikunna á undan. Um tugur skjálfta raðaði sér í stefnu suðvestur/norðaustur frá Kleifarvatni. 2 skjálftar við Vigdísarvelli sá stærri 1,8 að stærð. Fimm skjálftar mældust við Reykjanestá stærsti 1,9 að stærð. Úti á Reykjaneshrygg mældust 5 skjálftar stærsti af stærð 2,5 um 65km suðvestur frá Reykjanestá.

Norðurland

Á norðurlandi mældist rúmur tugur skjálfta, en úti fyrir landi voru staðsettir tæpir 80 skjálftar. Mest virknin var í Öxarfirði en tæplega 40 skjálftar voru staðsettir þar, stærsti 2,6 að stærð þann 17. maí. 15 skjálftar voru staðsettir norðaustan við Grímsey. Um sex skjálftar úti fyrir Tjörnesi, átta umhverfis Flatey, fjórir við norðan við Gjögurtá, tveir á Eyjafjarðarál og aðrir tveir sunnan við Grímsey. Einn smáskjálfti var staðsettur um 3km norðan við Dalvík og annar austsuðaustan við Grenivík báðir um 0,5 að stærð. Austar mældust tveir smáskjálftar við Reykjahlíð, aðrir fimm við Kröflu og þrír við Þeistareyki. Í Kelduhverfi mældist einn skjálfti af stærð 1,2.

Hálendið

Um 170 skjálftar voru staðsettir á Hálendi Íslands í vikunni, þar af voru um 80 þeirra í Vatnajökli. Stærstu skjálftarnir í Vatnajökli mældust við Grímsvötn 19. maí þeir voru 1,6 og 1,9 að stærð, alls voru 5 skjálftar staðsettir við Grímsvötn. Aðrir skjálftar í Vatnajökli voru undir 1,5 að stærð. Sex mældust í Bárðarbungu um 20 í bergganginum undir Dyngjujökli. 24 í Öræfajökli. 3 skjálftar við Skaftárkatlana , tveir við Þórðarhyrnu og einn á síðu. Um 20 aðrir smáskjálftar dreifðust um sunnanverðan jökulinn.
Norðan vatnajökuls mældust tæplega 15 skjálftar mældust í Öskju. Við Herðubreið og Herðubreiðartögl mældust um 50 skjálftar í tveimur fremur jafnskiptum þyrpingum annarsvegar rétt suðvestan við Herðubreið, og hinsvegar rétt suðaustan við Herðubreiðartögl. Rúmur tugur skjálfta mældist í Ódáðahrauni, sá stærsti 2,1 að stærð.
Fimm skjálftar mældust við Langjökul í vikunni tveir í vestanverðum jöklinum, sá stærri af stærð 1,5. Tveir við Hagafell, sá stærri 2,4 að stærð einn skjálfti við norðanverðan Þórisjökul af stærð 1,5.

Mýrdalsjökull

Innan Torfajökulsöskjunnar mældist stærsti skjálfti vikunnar á öllu landinu af stærð 2,7 þann 13 maí, hann var 4km suðvestur af Hrafntinnuskeri. Alls mældust 10 á svæðinu við Torfajökul.
Sjö skjálftar mældust í Mýrdalsjökli í vikunni einn við Goðaland en aðrir innan Kötluöskjunnar stærsti 13 að stærð þann 16. maí. Einn skjálfti var staðsettur í sunnanverðum Eyjafjallajökli, 1,7 að stærð 18. maí.

Náttúruvársérfræðingur á vakt