	Veðurstofa Íslands Jarðeðlissvið

Jarðskjálftar 20190527 - 20190602, vika 22

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 440 jarðskjálftar voru staðsettir með SIL-mælakerfi Veðurstofu Íslands í vikunni, færri en í síðustu þegar mældurst um 530 jarðskjálftar. Skjálftar af stræð M3,6 og M3,1 mældust um 30 km norðvestur af Grímsey þann 27. maí kl 01:39 og 06:57 og voru það stærstu skjálftar vikunnar. Nokkrir skjálftar til viðbótar mældust milli M2 og M3 á svæðinu þann 27.maí. Þann 1.júní mældist skjálfti af stærð M2.8 á Grímseyjar- Kópaskersbeltinu. Í Mýrdalsjökli mældist einn skjálfti M2,3 að stærð þann 29.maí.

Suðurland

Í heildsinni mældust tæplega 40 jarðskjálftar á Suðurlandi í vikunni, þar af voru um 15 skjálftar sem mældust á Hengilssvæðinu, allir undir einum að stærð. Sjö jarðskjálftar voru staðsettir við Ölfus, sá stærsti var M1,6 að stærð. Einn smáskjálfti mældist í Heklu í vikunni og annar í Eyjafjallajökli báðir voru undir einu stigi.

Reykjanesskagi

Rúmlega 20 jarðskjálftar mældust á Reykjanesskaganum, um helmingur þeirra var vestan við Fagradalsfjall, allir undir M1,5. Á Reykjaneshrygg mældust 10 jarðskjálftar og voru þeir allir undir tveimur stigum. Einn smáskjálfti mældist í Grindavík kl 23:48 þann 30. maí.

Norðurland

Tæplega 140 jarðskjálftar mældust á Tjörnesbrotabeltinu í vikunni. Mesta virknin var á þremur svæðum, þ.e. í Öxarfirði, austsuðuasutur og norðvestur af Grímsey. Í Öxarfirði voru staðsettir um 30 smáskjálftar, allri undir einu stigi. Í þyrpingunni austsuðaustur af Grímsey mældust rúmlega 40 skjálftar, þar sem stræsti skjálftinn var M2,6 stig en allir aðrir undir tveimur stigum. Um það bil 30 skjálftar voru staðsettir norðvestur af Grímsey og mældust þar stræstu skjálftan vikunnar, M3,6 kl 01:39 þann 27.maí og M3,1 kl 06:57 sama dag. Fimm skjálftar voru milli M2 og M3 og rest undir tveimur stigum. Einnig voru staðsettir tæplega 20 jarðskjálftar á svæði u.þ.b. 10 km norðaustur af Grímsey.
Á landi voru rúmlega 20 jarðskjálftar, um helmingur þeirra var við Kröflu og nokkrir við Mývatn og nokkrir við Þeystareyki, allir undir M1,6 að stærð.

Hálendið

Um 170 jarðskjálftar mældust á hálendinu í vikunni, þar af voru rúmlega 40 smáskjálftar staðsettir við Herðubreið og Herðubreiðartögl, og aðrir 40 staðsettir í austurbrún Öskju. Allir voru þessir skjálftar undir tveimur stigum. Í Vatnajökli mældust um 80 jarðskjálftar. Sex jarðskjálftar mældust í Bárðarbungu og rúmlega 40 smáskjáftar voru staðsettir í bergganginum undir Dyngjujökli, þar af lang flestir eða 35 skjálftar á svæði suðaustur af Bárðarbungu þar sem skjálftar eru gjarnann á talsverðu dýpi. Í Grímsvötnum mældust fimm skjálftar, allir sunnantil í öskjunni. Einn skjálfti var staðsettur á Lokahrygg og annar undir Köldukvíslarjökli. Í og við Öræfajökul voru staðsettir rúmlega 20 skjálftar, allir um og undir einum af stærð.
Einn jarðskjálfti var mældur norður af Geitlandsjökli í Langjökli, um M1 að stærð en tveir skjálftar voru staðsettir í Skjaldbreið, báðir undir einum að stærð.

Mýrdalsjökull

Í Mýrdalsjökli mældust 16 jarðskjálftar, sem er svipað og í vikunni á undan. Tveir skjálftanna voru vestarlega í jöklinum við Goðaland og þrír í Kötlujökli, aðrir skjálftar voru staðsettir í öskjunni og stærsti skjálftinn sem að mældist var M2,8 að stærð.
Á Torfajökulssvæðinu voru staðsettir tæplega 20 jarðskjálftar, tveir um tvö stig en aðrir minni og einn jarðskjálfti um eitt stig mældist í Eyjafjallajökli.

Jarðvakt