	Veðurstofa Íslands Jarðeðlissvið

Jarðskjálftar 20190715 - 20190721, vika 29

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 210 jarðskjálftar mældust með SIL-mælakerfi Veðurstofu Íslands í vikunni, meira en helmingi færri en í vikunni á undan. Stærsti skjálfti vikunnar var laugardaginn 20. júlí kl 14:15 í sunnanverðri Torfajökulsöskjunni, 3,3 að stærð. Skjálftinn kom í kjölfar skammvinnrar hrinu á svæðinu. Færri jarðskjálftar mældust bæði í Mýrdalsjökli og Öræfajökli þessa vikuna miðað við síðustu viku. Virkni í Bárðarbungu er svipuð milli vikna en talsvert færri skjálftar mældust í bergganginum undir Dyngjujökli í vikunni.

Suðurland

Um 15 jarðskjálftar voru staðsettir á víð og dreyf um Suðurlandsbrotabeltið, flestir á Ölfussvæðinu. Fimm smáskjálftar voru staðsettir í Heklu, allri grunnir og undir einu stigi. Tæplega tugur skjálfa voru staðsettir á Hengilsvæðinu.

Reykjanesskagi

Á Reykjanesskaga mældust 15 jarðskjálftar í vikunni, meira en helmingi færri en í vikunni á undan. Jarðskjálftarnir dreyfðust um skagann en smá þyrping myndaðist við Kleifarvatn og norðuraustur af Brennisteinsfjöllum, allir skjálftarnir voru undir 1.6 að stærð.

Um tugur skjálfa mældist á Reykjaneshrygg, allir um og undir tveimur stigum.

Norðurland

Tæplega 40 jarðskjálftar mældust á og úti fyrir Norðurlandi og er það minni virkni en í síðustu viku. Þar af voru um tugur skjálfta staðsettir í Öxarfirði, allir um og undir einu stigi. Annar tugur smáskjálfta var staðsettur í Skjálfanda, í tveimur þyrpingum, önnur við Flatey og hin um 5 km norðaustur af eyjunni. Nokkrir jarðskjálftar dreifðust um Eyjafjarðarál og tveir voru staðsettir 6 km norður af Gjögurtá. Tæpur tugur jarðskjálfta dreifðust vítt og breitt um Tjörnesbrotabeltið og í kringum Grímsey.

Tveir jarðskjálftar voru staðsettir við Þeistareyki og stakur skjálfti var við Kröflu. Einn skjálfti var staðsettir þann 16. júlí í Skagafirði, 1,5 að stærð.

Hálendið

Rúmlega 40 jarðskjálftar voru staðsettir í Vatnajökli í vikunni, þar af um 10 smáskjálftar í Öræfajökli, sem er færri en í síðustu viku. Stærsti skjálftinn var vestarlega á Lokahrygg var 1,9 að stærð og annar 1,5 að stærð norður af Hábungu. Þrír jarðskjálftar voru staðsettir í Grímsvötnum, allir undir 1,5 stigum. Fimm skjálftar mældust í Bárðarbungu og örfáir skjálfta í bergganginum undir Dyngjujökli. Tæpur tugur jarðskjálfta var vestur af Kverkfjöllum.

Á svæðinu norður af Vatnajökli mældust um 20 skjálftar. Tæpur tugur smáskjálfta var staðsettur í austur hluta Öskju og um tugur skjálfta mældist í kringum Herðubreið og Herðubreiðartögl. Stakur skjálfti mældist í Hofsjökli og um tíu skjálftar mældust í Langjökli, tveir þeirra voru uppá miðjum jöklinum, báðir um 1,5 að stærð og á um 15 km dýpi. Restin af skjálftunum voru staðsettir í Vestari-Hagafellsjökli, allir undir teimur stigum og á 10 til 2 km dýpi.

Mýrdalsjökull

Í Mýrdalsjökli voru staðsettir 26 jarðskjálftar, talsvert færri en í vikunni á undan. Lang flestir skjálftanna voru staðsettir í norðaustanverðri öskjunni. Þann 15. júlí mældust stærstu skjálftarnir, 2,4 og 2,3 að stærð, aðrir skjálftar voru allir undir tveimur stigum.

Rúmlega 20 jarðskjálftar mældust á Torfajökulssvæðinu. Stærsti skjálftinn var þann 20. júlí kl 14:15 af stærð 3,3 í sunnanverðri öskjunni. Skjálftinn var partur af skammvinnri hrinu á svæðinu þar sem allri aðrir skjálftar voru um og undir tveimur stigum. Engar tilkynningar bárust um að skjálftinn hafi fundist.

Jarðvakt