	Veðurstofa Íslands Jarðeðlissvið

Jarðskjálftar 20190729 - 20190804, vika 31

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 250 jarðskjálftar mældust með SIL-mælakerfi Veðurstofu Íslands í vikunni, nokkuð færri en í vikunni á undan, þegar 330 mældust. Stærsti skjálfti vikunnar var 2,4 að stærð, rétt vestur af Árnesi, þann 30. júlí, kl. 15:49. Færri jarðskjálftar mældust bæði á Norður- og Suðurlandi þessa vikun miðað við síðustu viku. Virkni á Reykjanesskagi jókst. Fimm smáskjálftar voru staðsettir í Heklu, allir undir 1,3 stigum.

Suðurland

Tæplega 60 jarðskjálftar voru staðsettir á Suðurlandi, um helmingi færri en í síðustu viku, þegar 100 skjálftar mældust. Stærsti skjálftinn var 2,4 að stærð, rétt vestur af Árnesi, þann 30. júlí. Skjálftarnir voru á víð og dreif á Suðurlandinu. Fimm smáskjálftar voru staðsettir í Heklu, allir undir 1,3 stigum og tæplega 15 smáskjálftar voru á Hengilsvæðinu.

Reykjanesskagi

Á Reykjanesskaga mældust tæplega 60 jarðskjálftar í vikunni, tvöfalt fleiri en í vikunni á undan, þegar 30 skjálftar mældust. Sá stærsti var við Reykjanestá þann 4. ágúst af stærð 2,2. Skjálftarnir voru dreifðir um Bláfjöll, við Kleifarvatn og við Reykjanestá. Um 15 jarðskjálftar mældust á Reykjaneshrygg, sá stærsti 2,3 að stærð, þann 1. ágúst.

Norðurland

Rúmlega 25 jarðskjálftar mældust á og úti fyrir Norðurlandi og er það mun minni virkni en í síðustu viku, þégar 100 skjálftar mældust. Stærsti skjálftinn af stærð 1,5 var í Öxarfjörður. Skjálftarnir voru á víð og dreif, enn flestir þó milli Öxarfjörður og Grímsey. Einn stakur skjálfti mældist við Kröflu.

Hálendið

Svipaður fjöldi jarðskjálftar voru staðsettir í Vatnajökli í vikunni og í síðustu viku, um 40. Þar af voru um átta smáskjálftar í Öræfajökli, nokkrir fleiri en í síðustu viku. Sex skjálftar mældust í Bárðarbungu, sá stærsti 1,7 að stærð. Um sex skjálftar mældust undir Dyngjujökuli og í djúpa svæðinu SA af Bárðarbungu. Tæplega 10 smáskjálftar mældust við Skeiðarárjökul, nokkrir austur af Hamrinum og einn við Grímsfjall. Á svæðinu norður af Vatnajökli mældust rúmlega 40 jarðskjálftar. Um 10 smáskjálfta voru staðsettir í austurhluta Öskju og restin mældist í kringum Herðubreið og Herðubreiðartögl. Einn skjálfti mældist í Langjökli, 1,5 að stærð og einn SA af Skjaldbreið af stærð 1,8.

Mýrdalsjökull

Í Mýrdalsjökli voru staðsettir sex jarðskjálftar, álíka fjöldi og í vikunni á undan. Stærsti skjálftinn mældist innan öskjunnar og var 1,7 að stærð. Tæplega 10 jarðskjálftar mældust á Torfajökulssvæðinu, allir undir 1,6 að stærð.

Jarðvakt