	Veðurstofa Íslands Jarðeðlissvið

Jarðskjálftar 20190909 - 20190915, vika 37

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 280 jarðskjálftar voru staðsettir með SIL mælakerfi Veðurstofu Íslands í vikunni, svipaður fjöldi og í vikunni á undan. Tveir skjálftar yfir þremur stigum mældust í vikunni, sá stærri var 3,4 að stærð um 2,4 km norðaustur af Grindavík 11. september kl 06:06 og fannst skjálftinn víða á Reykjanesi. Hinn skjálftinn var 3,0 að stærð sama dag kl 09:42 um 2,4 km suðaustur af Hrómundartindi á Hengilssvæðinu. Skjálftinn fannst í Hveragerði. Fyrr sama morgun, kl 05:22 mældist skjálfti 1,7 að stærð nyrst í Hveragerði og varð vart við hann þar. Þann 12. september kl 10:04 mældist skjálfti 2,0 að stærð 2,2 km norðvestur af Reykjanestá sem fannst á Reykjanesvita. Heldur minni eða svipuð virkni var á flestum svæðum samanborið við fyrri viku, nema á Reykjanesskaga og Hengilssvæðinu þar sem virkni var heldur meiri.

Suðurland

Ellefu jarðskjálftar mældust vítt og breitt um Suðurlandsbrotabeltið, svipaður fjöldi og í vikunni á undan og voru allir undir tveimur að stærð. Þann 11. september kl 05:22 mældist skjálfti 1,7 að stærð 1,1 km norður af Hveragerði, í nyrsta hluta bæjarins, sem fannst þar. Þrjátíu skjálftar mældust á Hengilssvæðinu, mun fleiri en í vikunni á undan, sá stærsti 3,0 að stærð 2,4 km suðaustur af Hrómundartindi kl 09:42 í lítilli hrinu að morgni 11. september. Skjálftinn fannst í Hveragerði. Fjórir smáskjálftar mældust í Heklu.

Reykjanesskagi

Tæplega 60 jarðskjálftar mældust á Reykjanesskaga í vikunni, mun fleiri en í vikunni á undan þegar þeir voru tæplega 20. Munar þar mestu um þrjár litlar hrinur á skaganum í vikunni. Þann 9 september mældust níu smáskjálftar vestur af Fagradalsfjalli. Rúmlega tugur skjálfta mældist norðaustur af Grindavík snemma morguns þann 11. september. Stærsti skjálftinn var 3,4 að stærð kl 06:06 og fannst vel víða á Reykjanesi. Lítil hrina, tæplega 20 skjálftar, varð undir Kleifarvatni 10 september, allir undir 2 að stærð.

Níu skjálftar mældust á Reykjaneshrygg í vikunni, sá stærsti 2,6 að stærð. Einn skjálfti fannst, en það var skjálfti 2,0 að stærð 2,2 km norðvestur af Reykjanestá kl 10:04 þann 12. september sem fannst við Reykjanesvita.

Norðurland

Rúmlega 30 jarðskjálftar mældust úti fyrir Norðurlandi í vikunni, töluvert færri en vikuna á undan þegar þeir voru um 50. Átján skjálftar mældust á Grímseyjarbeltinu, allir undir 2 að stærð. Sextán skjálftar mældust á Húsavíkur ¿ Flateyjar misgenginu, sá stærsti 2,9 að stærð 12. september.

Tveir smáskjálftar mældust við Bæjarfjall og þrír við Kröflu.

Hálendið

Rúmlega 50 jarðskjálftar mældust undir Vatnajökli í vikunni, mun færri en vikuna á undan þegar rúmlega 80 skjálftar mældust. Tíu skjálftar mældust í Bárðarbungu, allir undir 2 að stærð og átta smáskjálftar mældust í bergganginum undir og fyrir framan Dyngjujökul. Sex smáskjálftar mældust í Öræfajökli, fjórir í Grímsvötnum, fimm í Þórðarhyrnu, einn í Kverkfjöllum og tæplega tugur við Hamarinn.

Rúmlega 20 jarðskjálftar mældust við Öskju, flestir við austurbrún öskjunnar og voru töluvert færri en í vikunni á undan. Stærsti skjálftinn var 2,5 að stærð. Flestir skjálftarnir komu í lítilli hrinu 9. september. Tæplega tugur smáskjálfta mældist um 8 km austur af Öskju 11. september. Rúmlega 30 skjálftar mældust við Herðubreið og Herðubreiðartögl í vikunni, allir undir 2 að stærð.

Einn skjálfti mældist suður af Langjökli, 1,4 að stærð.

Mýrdalsjökull

Rólegt var undir Mýrdalsjökli í vikunni, en þrír skjálftar mældust þar í vikunni, töluvert færri en vikuna á undan þegar þeir voru um 10. Einn skjálfti 1,6 að stærð mældist innan Kötluöskjunnar og tveir minni mældust við Goðabungu.

Sex skjálftar mældust á Torfajökulssvæðinu, sá stærsti 2,5 að stærð.

Jarðvakt