	Veðurstofa Íslands Jarðeðlissvið

Jarðskjálftar 20190923 - 20190929, vika 39

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 260 jarðskjálftar voru staðsettir með SIL mælakerfi Veðurstofu Íslands í vikunni, töluvert færri en í vikunni á undan þegar um 400 skjálftar voru staðsettir. Stærsti skjálfti vikunnar var á Reykjaneshrygg 29. september kl. 02:43 og mældist hann M3,6 stig. Honum fylgdu tveir aðrir skjálftar yfir 3 að stærð. Tveir smáskjálftar mældust í Heklu og einn skjálfti mældist við Langjökul um 1,7 að stærð.

Suðurland

Tæplega 20 jarðskjálftar mældust vítt og breitt um Suðurlandsbrotabeltið, nokkuð fleiri en í fyrri viku og voru allir undir tveimur að stærð. Sautján skjálftar mældust á Hengilssvæðinu, svipað og í vikunni á undan. Tveir smáskjálftar mældist í Heklu.

Reykjanesskagi

Tæplega 40 jarðskjálftar mældust á Reykjanesskaga í vikunni, mun fleiri en í vikunni á undan þegar þeir voru tæplega 20. Allir voru þeir undir tveimur að stærð.

Ellefu skjálftar mældust á Reykjaneshrygg í vikunni, stærstu skjálftarnir voru af stærð M3,0 ¿ M3,6 þann 29. september 2019 kl. 02:43 og voru þeir jafnframt stærstu skjálftar vikunnar.

Norðurland

Rúmlega 50 jarðskjálftar mældust úti fyrir Norðurlandi í vikunni, umtalsvert færri en vikuna á undan þegar þeir voru um 220. Virkni dreifðist einkum um Öxarfjörð annars vegar og Húsavíkur-Flateyjar og Grímseyjar misgengin hins vegar. Allir voru þeir um og undir tveimur að stærð.

Fjórtán smáskjálftar mældust á Norðugosbeltinu, fjórir við Kröflu, sex við Þeystareyki og fjórir í Kelduhverfi. Allir voru þeir undir 1,5 að stærð.

Hálendið

Fjörutíu jarðskjálftar mældust undir Vatnajökli í vikunni, svipað og vikuna á undan. Fimm skjálftar mældust í Bárðarbungu, allir undir 2 að stærð og sjö smáskjálftar mældust í bergganginum undir og fyrir framan Dyngjujökul auk þess sem átta skjálftar mældust á svæðinu austan við Bárðarbungu þar sem djúpir skjálftar mælast. Þrír smáskjálftar mældust í Öræfajökli, einn í og við Grímsvötn, fimm í Kverkfjöllum og einn á Lokahrygg.

Tæplega 20 jarðskjálftar mældust við Öskju, nokkuð færri en í síðustu viku. Flestir skjálftarnir voru við austurbrún öskjunnar og voru þeir allir undir tveimur að stærð. Tæplega 40 skjálftar mældust við Herðubreið og Herðubreiðartögl í vikunni, allir undir 2 að stærð. Einn skjálfti mældist við Trölladyngju.

Einn skjálfti mældist við Langjökul, 1,5 að stærð og einn á Haukadalsheiði. Var hann 1,3 að stærð.

Mýrdalsjökull

Fjórtán skjálftar mældust undir Mýrdalsjökli í vikunni, tvöfalt fleiri en í síðustu viku. Sá stæsti 1,7 að stærð.

Einn smáskjálfti mældist í Eyjafjallajökli.

Sjö skjálftar mældust á Torfajökulssvæðinu, sá stærsti um 1,0 að stærð.

Jarðvakt