	Veðurstofa Íslands Jarðeðlissvið

Jarðskjálftar 20190930 - 20191006, vika 40

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Þrettán jarðskjálftar mældust á suðurlandinu og var rólegt miðað við vikuna á undan, þegar að um fjórfallt fleiri skjálftar voru staðsettir. Átta jarðskjálftar, allir undir einum að stærð, mældust á Suðurlandsbrotarbeltinu. Fimm skjálftar mældust á Hengilsvæðinu, sá stærsti 1,9 að stærð þann 3. október kl. 20:53 um tvo km austur af Lambafelli.

Reykjanesskagi

Um 30 jarðskjálftar mældust á Reykjanesskaga í vikunni, færri en vikuna á undan þegar að þeir voru tæplega 40. Þann 2. október varð skjálfti af stærð 1.0 um fjóra km norður af Kleifaravatni, tveir smáskjálftar urðu í suður Kleifarvatni í byrjun vikunnar og um 17 skjálftar mynduðust í hrinu við Krísuvík þann 6. október, sá stærsti 2,2 að stærð. Sjö skjálftar, allir undir tveir að stærð, urðu þann 1. október í grennd við Grindavík. Þá mældustu tveir skjálftar út á Reykjaneshrygg, sá stærri 2,5 að stærð.

Norðurland

Um 20 jarðskjálftar mældust á Tjörnesbrotarbeltinu í vikunni, töluvert færri en vikuna á undan þegar þeir voru rúmlega 50 talsins. Flestir urðu í Öxarfirði þar sem stærsti skjálftinn mældist 1,4 að stærð þann 4. október. Um 200 km norður fyrir land mældist skjálfti af stærð 2,8 þann 6. október kl. 10:50. 20 smáskjálftar mældust á Norðurgosbeltinu, sex við Þeistareyki, sex við Kröflu og fjórir í Reykjahlíð.

Hálendið

Í Kollóttudyngju sunnan við Hrúthálsa mældust níu jarðskjálftar, sá stærsti mældist 2,5 að stærð. Við Herðubreið voru 13 skjálftar staðsettir í vikunni, allir undir 2,0 að stærð. Við Öskju mældust um 35 jarðskjálftar og voru þeir flestir staðsettir á suðausturhorni öskjunar, sá stærsti mældist 1,8 að stærð þann 2. október kl. 07:17.

Tæplega 50 jarðskjálftar mældust undir Vatnajökli í vikunni, fleiri en vikuna á undan þegar að þeir voru um 40 talsins. Stærsti skjálfti vikunnar, 3,8 að stærð, mældist í suðaustanverðri öskju Bárðarbungu kl. 16:31 þann 4. október. Honum fylgdu fáeinir eftirskjálftar, sá stærsti 2,1 að stærð kl. 16:35. Kvöldið áður, þann 3. október kl. 20:33, mældist skjálfti á svipuðum slóðum og var hann 3,1 að stærð. Alls mældust 13 skjálftar við Bárðarbunguöskjuna í vikunni, töluvert fleiri en vikuna á undan þegar að þeir voru fimm talsins. Þá mældust einnig 14 skjálftar í bergganginum, fjórir djúpir skjálftar þar sem að hann beygir til norðurs og tíu undir og fyrir framan Dyngjujökul. Þeir voru allir undir 1 að stærð og var virknin þar einnig meiri en vikuna á undan. Í Kverkfjöllum mældist stakur smáskjálfti þann 2. október. Stakur smáskjálfti mældist við eystari Skaftárketil þann 6. október. Þá voru fimm skjálftar staðsettir sunnan við Grímsvötn, sá stærsti 1,5 að stærð þann 5. október. Við Þórðarhyrnu mældust fimm skjálftar, sá stærsti 1,5 að stærð. Í Öræfajökli urðu fimm smáskjálftar. Í Skeiðarájökli og Breiðamerkurjökli voru sitthvorir skjálftar mældir, báðir undir 2,0 að stærð.

Við Fagradalsfjall mældust fjórir skjálftar í vikunni, sá stærsti 2,0 að stærð. Þá var stakur skjálfti staðsettur VSV við Geitlandsjökul í Langjökli, 2,3 að stærð.

Mýrdalsjökull

Í vikunni voru tólf jarðskjálftar staðsettir í Mýrdalsjökli, stærsti mældist 2,0 að stærð og var virknin svipuð og vikuna á undan.

Stakur skjálfti, 0,7 að stærð, mældist í sunnanverðri öskju Eyjafjallajökuls.

Í Hrafntinnuskeri voru níu skjálftar staðsettir í vikunni, sá stærsti mældist 1,9 að stærð þann 2. október kl. 16:04. Samdægurs mældist smáskjálfti í Heklu kl. 05:03.

Jarðvakt