	Veðurstofa Íslands Jarðeðlissvið

Jarðskjálftar 20191021 - 20191027, vika 43

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 350 jarðskjálftar voru staðsettir með SIL-mælakerfi Veðurstofu Íslands í vikunni, mun færri en í síðustu viku þegar um 570 jarðskjálftar voru staðsettir. Stærsti skjálfti vikunnar var 3,48 að stærð í Bárðarbungu öskjunni þann 26. október kl. 17:14. Tveir litlir skjálftar mældust í Heklu í vikunni.

Suðurland

Rúmlega 20 skjálftar mældust á Suðurlandi. Þar af um 11 skjálftar mældust á Hengil svæðinu, stærsti 1,7 að stærð. Tveir skjálftar mældust í Heklu, báðir undir 0,6 að stærð.

Reykjanesskagi

þriðja tug skjálfta mældist á Reykjanesskaga. Stærsti skjálftinn var við Kleifarvatn, 1,45 að stærð. Nokkrir skjálftar mældust á Reykjaneshrygg, stærsti 2,46 suður á hrygg.

Norðurland

Um 150 jarðskjálftar voru staðsettir undir og úti fyrir Norðurlandi í vikunni, mun færri en vikuna á undan þegar um 400 skjálftar voru staðsettir þar. Flestir skjálftarnir voru frá hrinu sem hófst seinni part laugardagsins 19. október, skammt norður af Mánáreyjum (tælplega 30 km vestnorðvestur af Kópaskeri), þeirri hrinu var lokið þann 23. október. Stærsti skjálftinn var af stærð 2,84 þann 22. október. Nokkrir skjálftar voru á svæðunum við Kröflu og Þeistareyki. Stærist af stærð 2,06 við Þeistareyki.

Hálendið

Um 50 jarðskjálftar mældust undir Vatnajökli í vikunni, svipaður fjöldi og í fyrri viku. Við Bárðarbungu voru rúmlega 10 skjálftar staðsettir, álíka margir og vikuna á undan. Stærsti skjálftinn var 3,48 að stærð þann 26. október kl. 17:14 og var jafnframt stærsti skjálfti vikunnar. Um 20 litlir skjálftar mældust á svæðinu austur af Bárðarbungu, þar sem mælast gjarnan skjálftar á talsverðu dýpi, sá stærsti 1,59 að stærð. Fá einir smáskjálftar mældust við Grímsvötn. Þrír skjálftar mældust í Öræfajökli.
Tólf jarðskjálftar mældust við Öskju. Rúmlega 30 jarðskjálftar mældust við Herðurbreið og Herðubreiðartögl, stærsti skjálftinn á þessu svæði var 2,05 að stærð vestur af Herðubreiðartöglum.
Einn skjálfti var í Hofsjökli, 1,66 að stærð.
10 skjálftar mældust suður af Langjökli, stærsti af stærð 1,75 við Skjaldbreið.

Mýrdalsjökull

Sjö skjálftar voru í Mýrdalsjökli og er það svipaður fjöldi og undanfarnar vikur. Þrír skjálftar voru innan Kötluöskjunnar, aðrir við Goðabungu. Stærsti skjálfti var af stærð 1,5, aðrir skjálftar voru um og innan við eitt stig. Örfáir skjálftar mældust í grennd við Torfajökul.

Jarðvakt