	Veðurstofa Íslands Jarðeðlissvið

Jarðskjálftar 20191104 - 20191110, vika 45

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Tæplega 630 jarðskjálftar voru staðsettir með SIL-mælakerfi Veðurstofu Íslands í vikunni, talsvert fleiri en í síðustu viku þegar um 290 jarðskjálftar voru staðsettir. Munar þar mestu um jarðskjálftahrinu við Öskju sem hófst 7. nóvember og er enn í gangi. Stærstu skjálftar vikunnar voru 3,4 að stærð við Öskju 9. nóvember kl 21:37 og 3,2 á sama stað 10. nóvember kl 14:04.

Suðurland

Um 10 smáskjálftar mældust á víð og dreif á Suðurlandsbrotabeltinu í vikunni, 10 færri en í síðustu viku. Á Hengilsvæðinu mældust 19 skjálftar, svipaður fjöldi og í síðustu viku. Enginn skjálfti var í Heklu.

Reykjanesskagi

Tæplega 20 jarðskálftar mældust á Reykjanesskaga í vikunni, helmingi færri en í vikunni á undan. Stærsti skjálftinn var 2 að stærð við Kleifarvatn. Þrír skjálftar mældust á Reykjaneshrygg, allir undir 2,0 að stærð.

Norðurland

Rúmlega 30 jarðskjálftar mældust á Tjörnesbrotabeltinu í vikunni, svipaður fjöldi og vikuna á undan. Stærsti skjálftinn var tæplega 2,0 að stærð á Grímseyjarbeltinu. Þrír smáskjálftar mældust við Kröflu, átta austur af Mývatni og tveir við Þeistareyki.

Hálendið

Rúmlega 460 jarðskjálftar mældust norður af Vatnajökli í vikunni, nánast allir tilheyra jarðskjálftahrinunni við Öskju. Stærstu skjálftarnir, 3,4 og 3,2 að stærð 9. og 10. nóvember, tilheyra hrinunni og voru það stærstu skjálftarnir í vikunni. Rúmlega 50 jarðskjálftar mældust undir Vatnajökli í vikunni, rúmlega helmingi færri en í vikunni á undan þegar tæplega 120 skjálftar mældust. Tólf skjálftar mældust í Bárðarbungu, svipaður fjöldi og í síðustu viku, sá stærsti 1,9 að stærð. Tæplega 10 jarðskjálftar mældust ASA af Bárðarbungu á 13-24 km dýpi, stærsti 1,1 að stærð. Tæplega 10 á Lokahrygg. Fimm skjálftar mældust undir Dyngjujökli. Fimm skjálftar mældust við Öræfajökul og voru allir af stærð 0,2 eða minni. Fimm skjálftar mældust einnig við Grímsvötn, stærsti 1,5 að stærð. Fjöldi jarðskjálfta við Öræfajökul og Grímsvötn er aðeins þriðjungur af því sem mældist í vikunni á undan. Einn jarðskjálfti mældist við Kverkfjöll, 1,6 að stærð. Tíu skjálftar mældust í og við Langjökul, sá stærsti 2,0 að stærð.

Mýrdals ökull

Fjórir jarðskjálftar mældust undir Mýrdalsjökli, helmingi færri en í síðustu viku og voru tveir innan öskjunnar. Allir voru af stærð M0,6 eða minni.

Jarðvakt