	Veðurstofa Íslands Jarðeðlissvið

Jarðskjálftar 20210308 - 20210314, vika 10

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Yfir 19000 skjálftar mældust í liðinni viku með sil-mælakerfi veðurstofu íslands. En langflestir þeirra eru staðsettir á Reykjanesskaga þar sem öflug jarðskjálftahrina hefur staðið yfir frá 24. febrúar. Þrír skjálftar yfir stærð M5,0 mældust í vikunni. Stærsti var af stærð M5,4 og mældist þann 14. mars kl. 15:25 um 2,5 km vestur af Nátthaga. Tveir skjálftar voru af stærð M5,0 og mældust 10. og 12. mars. Báðir voru í suðurhluta Fagradalsfjalls. Tíu skjálftar á bilinu M4-M5 mældust í liðinni viku, einn var staðsettur um 4,5 km NA af Grindavík, aðrir voru í og við Fagradalsfjall. Yfir 170 skjálftar voru á bilinu M3-M4 í vikunni á Reykjanesskaganum, flestir staðsettir í og við Fagradalsfjall.

Búið er að fara handvirkt yfir rúmlega 1100 skjálfta af 19000 og því er rétt að taka fram að einhverjir skjálftar sem kunna vera yfirfarnir síðar í tíma eru kanski ekki tilteknir í þessu vikuyfirliti.

Suðurland

26 jarðskjálftar mældust á suðurlandi í vikunni. Stærsti skjálftinn mældist M2,3 að stærð á Hengilssvæðinu, en á því svæði mældust 18 skjálftar alls.

Reykjanesskagi

Skjálftahrinan sem hófst á Reykjanesskaga þann 24. febrúar var og er enn yfirstandandi og mældust skjálftar á Reykjanesi því yfir 18000 með sjálfvirka mælakerfi Veðurstofu Íslands, en af þeim er búið að yfirfara um 990 skjálfta. Þrír skjálftar yfir stærð M5,0 mældustu í vikunni, Sá stærsti var af stærð M5,4 og mældist þann 14. mars um 2,5 km vestur af Nátthaga. Hinir tveir voru af stærð M5,0 og mældust í Fagradalsfjalli þann 10. og 12. mars. Tíu skjálftar á bilinu M4-M5 mældustu í vikunni, einn var staðsettur um 4,5 km NA af Grindavík, aðrir voru í og við Fagradalsfjall. Yfir 170 skjálftar á bilinu M4-M5 mældust á Reykjanesi, flestir staðsettir í og við Fagradalsfjall. Margar tilkynningar bárust veðurstofunni um að flestir skjálftar sem mældust stærri en M4,0 hafa fundist í byggð, en tilkynningar af stærsta skjálftanum bárstu einnig norður frá Sauðárkróki og austur frá Vestmannaeyjum um að hann hafi fundist. Tilkynningar bárust líka varðandi skjálfta á bilinu M3-M4, þá aðalega á Reykjanesskaganum og Höfuðborgarsvæðinu. Virkni var breytileg í vikunni, en var aðalega í og við Fagradalsfjall og að færast sunnar í Fagradalsfjalli. Tveir skjálftar mældust í Brennisteinsfjöllum. Rétt við Reykjanestá mældust um 6 skjálftar. Allir undir M3 af stærð.

Norðurland

Úti fyrir land mældust um 58 skjálftar, flestir voru rétt norðaustur við Grímsey, stærist skjálftinn var af stærð M2,3 og var staðsettur noraustur við Grímsey, aðrir skjálftar voru minni. Fjórir skjálftar voru í Öxarfirði, og nokkrir á Húsavíkur-Flateyjar misgenginu.

Hálendið

Tæplega 40 skjálftar mældust á Hálendinu í liðinni viku. Þar af voru átta í Vatnajökli. Þrír skjálftar voru í og við Bárðarbungu öskjuna, tveir rétt við Skaftárkatlanna, og einn við Esjufjöll. Við Öskju og Herðubreið mældust um 26 skjálftar, þar af voru um 14 við Öskju. Stærsti skjálftinn var M2,2 af stærð autan við Öskjuvatn. Tveir skjálftar mældust við Kröflu. Tveir skjálftar mældust við Langjökul.

Mýrdalsjökull

13 skjáfltar mældust í Mýrdalsjökli í vikunni, stærsti var af stærð M2,9.

Jarðvakt