	Veðurstofa Íslands Jarðeðlissvið

Jarðskjálftar 20210322 - 20210328, vika 12

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Um tuttugu skjálftar mældust á Suðurlandsbrotabeltinu í vikunni, svipaður fjöldi og mældist vikuna á undan. Þar af voru sex smáskjálftar staðsettir í Ölfusi, um 2 km NNV af Straumnesi. Þá mældust þrír smáskjálftar um 3 km SV af Heklu þann 26. mars og einn 2,0 að stærð við Gaukshöfða rétt SV af Þjórsárdal þann 24. mars kl. 12:56.

Reykjanesskagi

Um 1500 jarðskjálftar mældust á Reykjanesskaga í vikunni, færri en vikuna á undan þegar um 8300 skjálftar mældust. Verulega hefur dregið úr jarðskjálftavirkni frá því að eldgos hófst í Fagradalsfjalli að kvöldi 19.mars. Stærsti skjálftinn mældist 2,9 að stærð rétt SV við Keili þann 22.mars kl. 01:40. Virknin skiptist aðallega í fjórar þyrpingar, rétt utan við Reykjanes, við Svartsengi, í ganginum undir Fagradalsfjalli og við Trölladyngju. Við Reykjanestá mældust um 130 jarðskjálftar, stærstur var 2,8 að stærð þann 26. mars kl. 01:16. Við Svartsengi mældust um 170 jarðskjálftar og um 220 við Trölladyngju. Rúmlega 900 skjálftar voru staðsettir í ganginum, þá aðallega norðan og sunnan megin við eldstöðina. Í Heiðmörk og við Hafnarfjörð mældust þrír skjálftar, sá stærsti 2,4 að stærð rétt norðan af Helgafelli þann 27. mars kl. 05:34. Aðfaranótt 26. mars hófst jarðskjálftahrina í Lambafelli í Þrengslunum, um 60 skjálftar mældust og sá stærsti var 2,3 að stærð kl. 00:38 þann 26. mars.

Norðurland

Um 150 jarðskjálftar mældust á Tjörnesbrotabeltinu í vikunni, flestir voru staðsettir um 5km NA af Grímsey en þar mældust 40 skjálftar, stærsti var 3,0 að stærð þann 25.mars kl. 16:11 og var hann jafnframt stærsti skjálftinn sem mældist í vikunni. Á Húsavíkur-Flateyjar misgenginu mældust um 90 skjálftar, þar af 60 um 7km SA af Flatey þann 23. mars. Við Kröflu mældust tíu smáskjálftar.

Hálendið

Rúmlega 180 jarðskjálftar mældust á hálendinu í vikunni, fleiri en vikuna á undan þegar þeir voru um 100 talsins. Við Herðubreið og Herðubreiðartögl mældust tæplega 30 smáskjálftar og voru flestir staðsettir austan við Herðubreiðartögl. Um tíu smáskjálftar mældust í Öskju. Um 30 skjálftar mældust undir Vatnajökli í vikunni, færri en vikuna á undan þegar þeir voru um 40 talsins. Fimm í Bárðarbungu, sá stærsti 1,8 að stærð þann 26. mars kl. 02:11. Enginn skjálfti mældist í ganginum. Á Lokahrygg mældust um tíu skjálftar, stærstur var 2,5 að stærð um 3km V af vestari Skaftárkatli þann 25. mars kl. 17:59. Sjö skjálftar mældust í og við Grímsvötnum, stærstur var 2,0 að stærð kl. 06:27 þann 24. mars. Þrír smáskjálftar mældust í Öræfajökli of fimm norðan við Morsárjökul. Þrír jarðskjálftar mældust við Langjökul, þar af tveir norðan við Geitlandsjökul og einn SV af Suðurjökuli en sá var 2,1 að stærð. Í Skjaldbreið mælsist stakur skjálfti, 1,2 að stærð þann 22. mars kl. 12:06.

Mýrdalsjökull

Tólf jarðskjálftar mældust undir Mýrdalsjökli í vikunni, stærstur var 2,5 að stærð þann 28. mars kl. 16:59. Enginn skjálfti mældist á Torfajökulssvæðinu.

Jarðvakt