	Veðurstofa Íslands Jarðeðlissvið

Jarðskjálftar 20210726 - 20210801, vika 30

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Tæplega 40 jarðskjálftar mældust á Suðurlandi og Hengilssvæðinu í vikunni og er það aðeins færri en í fyrri viku þegar 60 skjálftar mældust á þessum slóðum. Virknin dreyfði sér töluvert um svæðið með nokkrum skjálftum við Húsmúla og suður af Mosfellsheiði við Sköflungsveg. Tveir skjálftar mældust við Hverahlíð, stærri skjálftinn mældist 2,25 að stærð. Stærsti skjálftinn varð þann 31.júlí 10 km austur af Selfossi og var hann 2,3 að stærð.

Reykjanesskagi

Um 130 jarðskjálftar voru á Reykjanesskaganum í vikunni, töluvert fleiri en í liðinni viku þegar um 70 mældust. Á gosstöðvunum mældust tæplega 40 skjálftar, aðeins fleiri en í fyrri viku þegar um 20 skjálftar mældust. Þeir voru allir staðsettir milli Keilis og Langahryggs. Stærsti skjálftinn þar og jafn fram stærsti skjálftinn á Reykjanesskaganum mældist 2,4 að stærð þann 1.ágúst á Lambahrygg. Smá hrina varð suð austur af Bláfjöllum. Nokkrir skjálftar mældust við Lönguhlíð. Aðrir skjálftar dreifðust um skagann.

Um 50 skjálftar mældust á Reykjaneshrygg sem er töluvert meira en í síðustu viku þegar aðeins tveir mældust. Hrina varð þann 1.ágúst og mældist stærsti skjálftinn þar 4 að stærð. Nokkuð fleiri skjálftar mældust sem voru svipaðir að stærð.

Norðurland

Út fyrir Norðurlandið mældust um 60 skjálftar, svipaður fjöldi og í síðustu viku. Um 20 mældust á Grímeyjarbeltinu. Smá hrina varð 30-31.júlí þegar um 35 skjálftar mældust á Húsavíkur-Flateyjarmisgenginu. Rúmlega 35 skjálftar mældust í Eyjarfjarðaráli. Einn skjálfti mældist út við Kolbeinseyjarhrygg 2,4 að stærð og var hann jafnframt stærsti skjálfti Norðurlands. Um 10 smáskjálftar mældust á á norðurhluta norðurgosbeltinsins og mældust flestir við Bæjarfjall.

Hálendið

Um 35 skjálftar mældust undir Vatnajökli. Um 13 skjálftar mældust í Bárðarbungu og var stærsti skjálftinn 4,6 að stærð en hann mældist þann 27.júlí. Fjórir skjálftar mældust yfir 2 að stærð í þeirri hrinu. Þrír skjálftar mældust við Grímsfjall og tveir skjálftar við vestri og eystri Skaftárkatla. Um 10 smáskjálftar mældust í Skeiðarjökli. Einn skjálfti var í Breiðarmerkurjökli og einn norð vestur af Öræfajökli.

Um 30 smáskjálftar voru staðsettir við Herðubreið, Herðubreiðartögl og Öskju. Einn skjálfti mældist vestur af Trölladyngju og einn í Eyjafjallajökli.

Þrír skjálftar mældust suð vestur af Grjótárvatni sá stærsti 2,96 að stærð, en hinir voru yfir 2 að stærð.

Mýrdalsjökull

Rúmlega 90 skjálftar mældust í Mýrdalsjökli þessa vikuna, sem er örlítið meira en í síðustu viku þegar um 70 skjálftar mældust. Nánast allir voru staðsettir í og við Kötluöskjuna. Stærsti skjálftinn varð þann 31.júlí og mældist 3,3 að stærð. Sjö aðrir skjálftar, yfir tveimur stigum, urðu í öskjunni. Einn skjálfti mældist suð vestur af Rauðfossafjöllum.

Jarðvakt