	Veðurstofa Íslands Jarðeðlissvið

Jarðskjálftar 20210816 - 20210822, vika 33

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 450 jarðskjálftar mældust í vikunni með SIL-mælakerfi Veðurstofu Íslands, álíka margir og í vikunni á undan þegar 460 skjálftar mældust. Virknin dreifðist um landið og voru smáhrinur að mælast víða um landið. Stærsti sjálfti vikunnar mældist þann 16. ágúst í hrinu við Húsmúla og var 3,1 að stærð. 15 skjálftar mældust við Grímsfjall, allir undir 1,5 að stærð. Áfram mælist smá hrina við Öskju. Enginn skjálfti mældist í Heklu.

Suðurland

Tæplega 100 jarðskjálftar mældust á Suðurlandi og Hengilssvæðinu í vikunni, mun fleiri en í síðustu viku þegar 35 mældust. Flestir skjálftar mældust í smá hrinu við Húsmúla þar sem stærsti skjálfti vikunnar á Suðurlandi mældist þann 16.ágúst, 3,1 að stærð, kl. 22:49. Enginn skjálfti mældist í Heklu.

Reykjanesskagi

Tæplega 90 jarðskjálftar voru á Reykjanesskaganum í vikunni, álíka margir og í liðinni viku. Á gosstöðvunum mældust um 20 skjálftar, sem eru fleiri en í fyrri viku þegar 7 skjálftar mældust. Þeir voru flestir staðsettir milli Keilis og Langahryggs. Stærsti skjálftinn þar mældist 1,6 að stærð rétt austur af Litla-Keili, þann 18. ágúst. Að öðru leiti var virknin dreifð um skagann. Stærsti skjálftinn á Reykjanesskaganum mældist 2,8 að stærð þann 17. ágúst, kl.15:13, rétt norðvestur af Grindavík.

Tæplega 10 skjálftar mældust á Reykjaneshrygg, flestir í grennd við Reykjanes. Stærsti skjálftinn reyndist 2,7 að stærð, þann 22 ágúst kl. 20:08.

Norðurland

Úti fyrir Norðurlandið mældust rúmlega 60 skjálftar, færri en í síðustu viku þegar um 100 skjálftar mældust. Rúmlega 20 skjálftar mældust í Axarfirði og um 20 skjálftar mældust á Grímseyjarbeltinu, sá stærsti 2,6 að stærð, þann 18. ágúst, rétt norðaustur af Grímsey. Hann var jafnframt stærsti skjálfti norðurlands í vikunni. Um 15 skjálftar mældust í Eyjafjarðarál og tæplega 5 skjálftar mældust á Húsavíkur-Flateyjarmisgenginu. Fimm skjálftar mældust um 7 km suðaustur af Siglufirði, sá stærsti 2,3 að stærð.

Rúmlega 10 smáskjálftar mældust á norðurhluta Norðurgosbeltisins. Tveir mældust við Bæjarfjall og hinir við Kröflu, sá stærsti reyndist 1,2 að stærð og mældist við Kröflu.

Hálendið

Rúmlega 160 skjálftar mældust á hálendinu í vikunni. Þar af mældust um 50 undir Vatnajökli, sem er fleiri en í síðustu viku, þegar 25 skjálftar mældust. Tveir smáskjálftar mældust í Bárðarbungu. Fjórir smáskjálftar mældust á djúpa svæðinu SA af Bárðarbungu. 15 skjálftar mældust við Grímsfjall, allir undir 1,5 að stærð. Tveir smáskjálftar mældust við Kverkjökul. Einn skjálfti mældist við Skaftárkatlana og nokkrir austur af Hamrinum. Um 20 smáskjálftar mældust í Skeiðarárjökli, sem tengjast því að lítið hlaup hljóp úr jaðarlóni í Norðurdal, austan við Skeiðarárjökul. Tveir skjálftar í Öræfajökli, sá stærsti 1,5 að stærð, þann 16. ágúst.

Tæplega 120 skjálftar voru staðsettir við Herðubreið, Herðubreiðartögl og Öskju sem er álíka margir og í síðustu viku þegar 110 skjálftar mældust. Flestir skjáltar mældust við Öskju, sá stærsti 2,3 að stærð en einn skjálfti 2,5 að stærð mældist við Herðubreið, þann 20. ágúst.

Einn skjálfti 1,3 að stærð mældist við Þórisvatn.

Mýrdalsjökull

Tæplega 10 smáskjálftar mældust í Mýrdalsjökli þessa vikuna, sem er mun færri en í síðustu viku þegar 60 skjálftar mældust. Þeir voru allir staðsettir í og við Kötluöskjuna. Enginn skjálfti mældist í Eyjafjallajökli og tveir smáskjálftar mældust á Torfajöklisvæðinu.

Jarðvakt