	Veðurstofa Íslands Jarðeðlissvið

Jarðskjálftar 20210920 - 20210926, vika 38

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Suðurland

Tæplega 30 jarðskjálftar mældust á Suðurlandi í liðinni viku, færri en vikuna á undan þegar þeir voru um 40 talsins. Átta smáskjálftar mældist í Henglinum og voru aðrir á víð og dreif um suðarlandsbrotabeltið. Enginn skjálfti mældist í Heklu.

Reykjanesskagi

Rúmlega 60 jarðskjálftar mældust á Reykjanesskaga í liðinni viku, töluvert færri en vikuna á undan þegar þeir voru um 100. Stærsti skjálftinn mældist 2,0 að stærð á Reykjanesi en þar mældust einnig flestir skjálftarnir á skaganum eða um 30 talsins. Aðrir voru dreifðir yfir svæðið. Eldgosið í Fagradalsfjalli stendur enn yfir, með hléum.

Sjö jarðskjálftar mældust út á Reykjaneshrygg, sá stæðsti um 2,3 að stærð rúmlega 100km SV á hrygg.

Norðurland

Á Norðurlandi mældust 12 jarðskjálftar, töluvert færri en vikuna á undan þegar þeir voru um 60 talsins. Voru flestir staðsettir á Grímseyjarbeltinu þar sem að stæðsti skjálftinn mældist 2,0 að stærð þann 20. september um 15km norður af Tjörnesi. Tveir skjálftar mældust á Húsavíkur-Flateyjarmisgenginu og stakur smáskjálfti við Þeistareyki. Enginn skjálfti mældist á Kolbeinseyjarhrygg.

Hálendið

100 jarðskjálftar mældust á hálendinu í liðinni viku, um helmingi færri en vikuna á undan. Í Öskju mældust tæplega 40 jarðskjálftar, færri en vikuna á undan þegar þeir voru um 50 talsins. Flestir voru þeir staðsettir í suðausturhluta öskjunnar en einnig mældist þyrping norðvestanmegin í öskjunni, allir voru þeir undir 2,0 að stærð. Enn mælist landris í Öskju. Við Herðubreið og Herðubreiðartögl mældust 30 jarðskjálftar, mun færri en vikuna á undan þegar þeir voru um 120 talsins og voru þeir flestir staðsettir í norðurenda Herðubreiðartaglar. Stærsti skjálftinn mældist 1,6 að stærð þann 22. september en aðrir voru undir 1,0 að stærð. Í norðaustanverðum Hofsjökli mældist stakur smáskjálfti. Tveir skjálftar mældust um 3km vestur af Hveravöllum, sá stærri 2,6 að stærð þann 25. september kl. 10:15. Þá mældust stakir skjálftar í Þórisjökli vestan við Langavatn, en sá var 2,0 að stærð þann 21. september.

Í Vatnajökli mældust um 30 jarðskjálftar, fleiri en vikuna á undan þegar þeir voru tæplega 20 talsins. Níu skjálftar mældust í Bárðarbunguöskjunni, sá stærsti 2,1 að stærð þann 24. september og stakur smáskjálfti mældist í gangnum á djúpa svæðinu austan Bárðarbungu. Tíu skjálftar mældust í og við Grímsvötn í liðinni viku og voru þeir flestir staðsettir í suðvesturhlutanum. Við Eystri Skaftárketil mældist stakur skjálfti, 1,4 að stærð þann 26. september. 6 jarðskjálftar mældust í norðanverðum Öræfajökli, sá stærsi 2,0 að stærð þann 25. september og sitthvor smáskjálftinn mældist norðan við Morsárjökuls og í Skeiðarájökli.

Um 100km SA af Höfn mældust tveir skjálftar um 2,0 að stærð þann 25. september.

Mýrdalsjökull

Sex jarðskjálftar mældust í Mýrdalsjökli í vikunni og voru þeir flestir staðsettir í Kötluöskjunni, sá stærsti mældist 2,8 að stærð þann 23. september og var hann jafnframt stærsti skjálfti vikunnar. Stakur smáskjálfti mældist í Tungnakvíslarjökli þann 21. september en þann 15. september mældist 12 cm. færsla á GPS stöð, sem er staðsett á skriðunni við Tungnakvíslarjökul.

Jarðvakt