	Veðurstofa Íslands Jarðeðlissvið

Jarðskjálftar 20210927 - 20211003, vika 39

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 6100 jarðskjálftar mældust í liðinni viku með SIL-mælakerfi Veðurstofu Íslands. Mun meira en vikuna á undan þegar um 220 skjálftar mældust. Langflestir skjálftarnir eru staðsettir á Reykjanesskaga þar sem öflug jarðskjálftahrina hófst SSV af Keili þann 27. September og er enþá yfirstandandi. Stærsti skjálfti vikunnar var af stærð M4,2 þann 2 október kl. 15:32, en tólf skjálftar yfir M3,0 af stærð hafa mælst á svæðinu frá því að hrinan hófst. Skjálftarnir finnast víða á Reykjanesskaganum og þeir stærstu finnast einnig víða á suðvesturhorninu.

Búið er að fara handvirkt yfir tæplega 800 skjálfta af 6100 og því er rétt að taka fram að eftir á að fara yfir marga þeirra og eru því ekki teknir fram í þessu vikuyfirliti en gætu komið inn síðar.

Suðurland

Um 20 jarðskjálftar mældust á Suðurlandi í liðinni viku, færri en vikuna á undan þegar þeir voru um 30 talsins. Fjórir skjálftar mældist í Henglinum, sá stærsti M2,3 að stærð og voru aðrir skjálftar á víð og dreif um suðarlandsbrotabeltið. Einn smáskjálfti mældist í Heklu. En mælast sprengingar í grennd við Þorlákshöfn.

Reykjanesskagi

Um 6000 jarðskjálftar mældust á Reykjanesskaga í liðinni viku, töluvert fleiri en vikuna á undan þegar þeir voru um 60. Jarðskjálftahrina hófst rétt SSV af Keili þann 27. September og er en yfistandandi. Stærsti skjálftinn á skaganum og jafnframt stærsti skjálfti vikunnar var M4,2 í hrinunni við Keili. Í heildina hafa yfir 12 jarðskjálftar yfir stærð M3,0 mælst í hrinunni frá því að hún hófst. Lang flestir skjálftar á skaganum voru staðsettir í hrinunni við Keili, aðrir voru dreifðir yfir svæðið.

Sjö jarðskjálftar mældust út á Reykjaneshrygg, sá stærsti um M2,0 að stærð.

Norðurland

Úti fyrir norðurland mældust rúmlega 30 jarðskjálftar, fleiri en vikuna á undan þegar þeir voru 12 talsins. Flestir voru staðsettir á Húsavíkur-Flateyjarmisgenginu. Nokkrir skjálftar voru á Grímseyjarbeltinu og 3 skjálftar mældust í grennd við Kröflu.

Hálendið

Í Vatnajökli mældist um tugur skjálftar, mun færri en vikuna á undan þegar þeir voru um 30. Flestir voru staðsettir í bergganginum frá Bárðarbungu í Dynkjujökli. Einn skjálfti mældist í Grímsvötnum.

Tæplega 150 skjálftar voru staðsettir við Öskju og Herðubreið í vikunni, mun fleiri en vikuna á undan þegar þeir voru um 70. Flestir skjálftarnir voru við suðausturhluta Öskju. Hrina stóð yfir í Öskju þann 29. og 30. September, en þá mældust um 100 skjálftar á svæðinu, þar sem felstir voru staðstettir rétt suðaustan við öskjuna, stærsti skjálftinn var M2,0 að stærð. Um 30 skjálftar mældust við Herðubreið og Herðubreiðartögl.

Einn skjálfti mældist við Þórisjökul í vikunni.

Mýrdalsjökull

Rúmur tugur skjálfta mældist í Mýrdalsjökli í vikunni og voru þeir flestir staðsettir í og við Kötluöskjuna, sá stærsti mældist 2,3 að stærð þann 30. September. Einn skjálfti mældist við í Torfajökulsöskjunni.

Jarðvakt