	Veðurstofa Íslands Jarðeðlissvið

Jarðskjálftar 20211108 - 20211114, vika 45

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Tæplega 730 jarðskjálftar mældust í liðinni viku með SIL-mælakerfi Veðurstofu Íslands, talsvert fleiri en í fyrri viku þegar um 540 skjálftar mældust. Alls mældust fimm skjálftar yfir 3 að stærð, stærsti skjálftinn var 5,2 að stærð kl. 13:21 þann 11. nóvember í Vatnafjöllum sunnan við Heklu. Þann 12. nóvember kl. 05:05 mældist skjálfti af stærðinni 3,2 við Litla-Hrút á Reykjanesskaga. Síðar sama dag, kl. 15:26 og 15:35 mældust skjálftar af stærð 3,3 og 3,6 í Bárðarbungu. Þann 13. nóvember kl. 23:23 var skjálfti af stærðinni 3,4 í Vatnafjöllum.

Um 20 skjálftar mældust við Öskju, 15 í Bárðarbungu og þrír í Grímsvötnum.

Suðurland

Rúmlega 420 skjálftar mældust á Suðurlandi í liðinni viku. Flestir þeirra voru hluti af jarðskjálftahrinu sem hófst þann 11. nóvember í Vatnafjöllum sunnan við Heklu. Stærsti skjálftinn var 5,2 að stærð kl. 13:21 þann 11. nóvember og fannst hann víða á suðvesturhorni landsins. Þann 13. nóvember kl. 23:23 varð jarðskjálfti á sama svæði af stærðinni 3,4. Fjórir skjálftar mældust við Heklu. Tæpir tveir tugir skjálftar dreifuðust um Suðurlandsbrotabeltið, um tugur skjálfta mældist í Þrengslum og Hellisheiði, og nokkrir mældust á Hengilssvæðinu.

Reykjanesskagi

Tæplega 150 skjálftar mældust á Reykjanesskaga í liðinni viku. Stærsti skjálftinn var 3,2 að stærð þann 12. nóvember kl. 05:05 við Litla-Hrút. Hann fannst á Reykjanesskaga, Höfuðborgarsvæðinu og norður í Borgarfjörð. Um 60 skjálftar mældust í ganginum milli Fagradalsfjalls og Keilis, og tæpir 50 skjálftar við Reykjanestá og norðaustan hennar. Aðrir skjálftar dreifðust um skagann. Á Reyjkaneshrygg mældist tæplega tugur skjálfta.

Norðurland

Tæplega 50 jarðskjálftar mældust á Norðurlandi í vikunni. Um 20 skjálftar mældust á Grímseyjarbeltinu og svipaður fjöldi á Húsvíkur-Flateyjar misgenginu. Stærsti skjálftinn var 2,3 að stærð þann 9. nóvember um 8 km. norðaustur af Húsavík. Fjórir skjálftar mældust í Kröflu og fimm við Þeistareyki.

Hálendið

Rúmlega 90 skjálftar mældust á hálendinu í liðinni viku. Undir Vatnajökli mældust tæplega 30 skjálftar. Í Bárðarbungu mældust um tæplega 15 skjálftar, sá stærsti var 3,6 að stærð kl. 15:35 þann 12. nóvember. Stuttu áður, kl. 15:16, var jarðskjálfti af stærðinni 3,3. Tveir djúpir skjálftar mældust austan við Bárðarbungu. Nokkrir skjálftar mældust á Lokahrygg, við Hamarinn. Þrír skjálftar mældust í Grímsvötnum.

Norðan Vatnajökuls mældust rúmlega 60 skjálftar. Um 20 þeirra voru við Öskju og var sá stærsti 2,8 að stærð í Öskjuvatni. Við Herðu breið og Herðubreiðartögl mældust tæplega 40 skjálftar.

Einn skjálfti mældist í Hofsjökli og nokkrir við Háleiksmúla á Vesturlandi.

Mýrdalsjökull

Aðeins þrír smáskjálftar mældust í Mýrdalsjökli í liðinni viku. Einn skjálfti mældist í hlíðum Eyjafjallajökuls og tveir skjálftar mældust á Torfajökulssvæðinu.

Jarðvakt