	Veðurstofa Íslands Jarðeðlissvið

Jarðskjálftar 20211213 - 20211219, vika 50

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 380 jarðskjálftar mældust með SIL-mælakerfi Veðurstofu Íslands í vikunni og er það svipaður fjöldi og í síðustu viku. Alls mældust tveir skjálftar yfir 3 að stærð, báðir við Vatnafjöll, sá stærri var af stærð M3,5 og var þann 13. desember. Fjórir smáskjálftar mældust í og við Heklu.

Suðurland

Tæplega 80 skjálftar mældust á Suðurlandinu í vikunni. Þar af voru um 8 skjálftar á Hengilsvæðinu. Fjórir jarðskjálftar mældust í og við Heklu, allir innan við eitt stig. Tæplega 40 skjálftar urðu í og við Vatnafjöll, en þar mældust stærstu sjálftar vikunnar, M3,5 og M3,2 að stærð, báðið urðu þann 13. desember, tvær tilkynningar bárust um að sá stærri hafði fundist á Suðurlandinu. Aðrir skjálftar voru á víð og dreif um Suðurlandsbrotabeltið.

Reykjanesskagi

Tæplega 90 jarðskjálftar mældust á Reykjanesskaga í vikunni, mun færri en vikuna á undan þegar það mældust um 170 skjálftar. Allir skjálftarnir á skaganum voru undir M2 að stærð. Mesta virknin var í grennd við Fagradalsfjall.

Norðurland

Um 60 skjálftar mældust úti fyrir Norðurlandi, og var virkni nokkuð dreifð, en mesta virkni var þó á Grímeyjarbeltinu. Stærsti skjálftinn var af stærð M2,9 úti á Kolbeinseyjarhrygg. 10 skjálftar mældust um 10 km SV af Ásbyrgi. Nokkrir smáskjálftar voru á svæðunum við Þeistareyki og Kröflu.

Hálendið

Um 40 skjálftar voru í Vatnajökli, færri en vikuna á undan. Tæplega 20 skjálftar mældust í og við Bárðarbungu öskjuna, stærsti M1,9 að stærð. Fimm skjálftar mældust við Grímvötn allir um og undir M2 að stærð.

Um 50 skjálftar mældust við Herðubreið og Herðubreiðartögl, allir undir M2 að stærð. Um 20 skjálftar mældust við Öskju

Einnskjálfti mældist við Sandfell, norður af Hofsjökli og einn skjálfti mældist rétt SV af Vestra-Sandfelli í Borgarbyggð.

Mýrdalsjökull

Nokkrir skjálftar voru í Mýrdalsjökli, Flest allir innan eða við brún Kötluöskjunnar. Allir voru innan við 2 stig. Fimm skjálftar mældust á Torfajökulssvæðinu.

Jarðvakt