	Veðurstofa Íslands Jarðeðlissvið

Jarðskjálftar 20211220 - 20211226, vika 51

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 17.500 jarðskjálftar mældust með SIL-mælakerfi Veðurstofu Íslands í vikunni, allflestir þeirra mældust í jarðskjálftahrinu á Reykjanesskaga við Fagradalsfjall og svo í tveimur þyrpingum gikkskjálfta norðaustan og suðvestan Fagradalshraun. Stærsti skjálfti vikunnar mældist við suðvestan við Geldingadali 4,9 að stærð. En alls mældust 14 skjálftar af stærð 4 eða stærri í vikunni þar af voru fjórir þeirra norðan við Grindavíkurbæ og við Sýrlingafell. Í Vatnafjöllum mældust um 45 jarðskjálftar stærsti af stærð 3,0.

Suðurland

Rétt rúmlega 65 skjálftar voru staðsettir á Suðurlandi í vikunni. Þrír smáskjálftar mældust í og við Heklu stærsti 1,3 að stærð rétt norðan hennar. Sunnar í Vatnafjöllum mældust um 45 skjálftar stærsti 3,0 að stærð þann 21. desember kl. 09:39. Undir Ingólfsfjalli mældust 7 smáksjálftar, 4 skjálftar mældust í Þrengslum en aðrir skjálftar dreifðust um Suðurlandsbrotabeltið.

Reykjanesskagi

Heildarfjöldi allra skjálfta á Reykjanesskaga þessa vikunna var metinnrúmlega 17.300 út frá sjálfvirkum staðsetningum. Mikil jarðskjálftahrina hófst undir Fagradalshrauni í vikunni, jarðskjálftar tóku að mælast við Litla Hrút þann 21. desember og sunnar nær Meradalahjúk aðfaranótt 22. des. og svo suðvestar við Borgarfjall. Þann 22. des. kl.09:23 mældist jarðskjálfti þar af stærð 4,9. hann fannst víða og bárust Veðurstofu tilkynningar um að skjálftinn hefði fundist norður í Borgarnes, í Vestmannaeyjum og austur í Skaftárhrepp.

Í hrinunni mældust alls 10 skjálftar 4,0 og stærri við Fagradalshraun og rúmlega 50 aðrir skjálftar yfir 3,0 og hrinan stóð enþá yfir við vikulok. Gikkskjálftar mældust norðan Grindavíkur 5 stærri en 3,0 og þar af fjórir af stærð 4,0 og stærri. Stæstur af þeim mældist 4,8 að stærð kl. 21:28 á Aðfangadag. Aðrir gikkskjálftar mældust vestan við Kleifarvatn í námunda við Djúpavatn, 14 af stærð 3,0 og stærri, sá stærsti þar mældist 3,9 að stærð þann 26. desember kl. 15:25. Flestir þessara skjálfta fundust í byggð.

Norðurland

Um 45 jarðskjálftar voru staðsettir á og úti fyrir Norðurlandi í vikunni stærsti af stærð 2,3 þann 20. desember kl. 00:59, á Grímseyjarbeltinu. En alls mældist um tugur jarðskjálfta á Grímseyjarbeltinu. Á Húsavíkur¿Flateyjarmisgenginu mældust rúmlega 15 jarðskjálftar, þar af 7 í þyrpingu á Skjálfanda á Þorláksmessu. Á landi mældist einn skjálfti sunnan við Héðinsfjörð, 3 við Þeystareyki og aðrir 3 við Kröflu. 8 skjálftar mældust við Kerlingavegg, syðst í Kelduhverfi.

Hálendið

Rúmlega 60 jarðskjálftar mældust á hálendinu í vikunni. Heldur færri skjálftar voru staðsettir undir Vatnajökli heldur en í vikunni á undan. Tíu skjálftar mældust í Bárðarbungu, stærsti 2,3 að stærð. Um 9 km suðaustan við Bárðabungu öskjuna á svæði sem kallað hefur verið beigjan eða djúpa svæðið mældust 6 smáskjálftar. 2 skjálftar mældust austan við Hamarinn og fimm skjálftar voru staðsettir við Vestari Skaftárketilinn sá stærsti 2,6 að stærð. Norðan vatnajökuls mældust 4 skjálftar í suðvesturrima Öskju, um tveir tugir smáskjálfta mældust umhverfis Herðubreiðartögl. Við Langjökull mældust 2 jarðskjálftar, annar í Geitalndsjökli og hinn í Hafrafelli. Átta skjálftar mældust um 8 ckm vestan við Okið stærsti 2,7 að stærð, þann 20. desember kl. 03:28 við Heggstaðamúla. Einn skjálfti mældist sunna við Grjótárvatn á Vesturlandi.

Mýrdalsjökull

Nokkrir skjálftar mældust í Mýrdalsjökli, megnið við brún Kötluöskjunnar. Allir voru innan við 2 stig. Fimm smáskjálftar mældust á Torfajökulssvæðinu allir undir 1 að stærð.

Jarðvakt