	Veðurstofa Íslands Jarðeðlissvið

Jarðskjálftar 20220117 - 20220123, vika 03

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 580 jarðskjálftar mældust með jarðskjálftamælakerfi Veðurstofu Íslands í vikunni. Þetta er ekki ósvipað virkni síðustu tveggja vikna þegar skjálftar hafa verið á milli 5-600 talsins. Stærsti skjálfti vikunnar var 3,3 að stærð þann 18. janúar í Þóreyjartungum, um 10 km VSV af Oki og varð hans vart í Húsafelli.

Töluverð virkni hefur verið í Þóreyjartungum í vikunni og hefur hún nær tvöfaldast í hverri viku síðan í lok desember. Í vikunni mældust 171 skjálfti á þeim slóðum. Önnur markverð virkni sem nefna má er skjálftahrina 10 km vestur af Reykjanestá að kvöldi 22. janúar. Töluverð virkni var á öllum Reykjanesskaga og einhver virkni var á flestum virkum svæðum en enginn skjálfti mældist í Heklu.

Suðurland

Fremur rólegt var bæði í Hengli og á Suðurlandi. 6 skjálftar mældust á Hengilssvæðinu, stærsti af stærð 2,3 á Hellisheiði. 15 skjálftar mældust á Suðurlandsbrotabeltinu, allir smáir og 4 í norðanverðu Ingólfsfjalli. Enginn skjálfti mældist í Heklu.

Reykjanesskagi

211 skjálftar mældust á Reykjanesskaganum í vikunni og var virknin nokkuð jafndreifð frá Reykjanestá og austur í Brennisteinsfjöll. Stærsti skjálfti vikunnar var 2,7 að stærð í smá hrinu sem varð að kvöldi 22. janúar suðvestur af Kleifarvatni. Við gosstöðvarnar var mesta virknin við sunnanvert Borgarfjall. Þar varð nokkuð þétt smáskjálftavirkni sem stóð yfir í um 20 mínútur síðdegis þann 19. janúar.

Á Reykjaneshrygg mældust tæplega 60 jarðskjálftar, þeir voru flestir staðsettir í hrinu 10 vestur af Reykjanestá, sá stærsti mældist 2,6 að stærð, þann 23. janúar.

Norðurland

Um 42 jarðskjálftar mældust úti fyrir Norðurlandi og voru þeir flestir staðsettir á Grímseyjarbeltinu, þar af sex í Axarfirði. Skjálfti 2,3 að stærð mældist vestur af Grímsey, þann 23. janúar. Annars voru 10 skjálftar á Húsavikur-Flateyjar misgenginu og þar af fjórir smáskjálftar á og við Húsavík. Við Kröflu mældust 5 smáskjálftar, sá stærsti 1,4 að stærð.

Hálendið

Um 30 jarðskjálftar mældust í Vatnajökli. Stærsti skjálfti þar var 2,5 að stærð í Bárðarbungu, þann 18. janúar. Um 5 skjálftar mældust við Grímsvötn, tveir við Skaftárkatla, þrír nærri Hábungu, 10 víðsvegar í sunnanverðum Vatnajökli og tveir í Öræfajökli. Mesta virkni var á hrinusvæðinu vestur af Oki, þar sem ríflega 170 skjálftar mældust, sá stærsti 3,3 að stærð, þann 18. janúar.

Tveir skjálftar mældust á Tindaskaga, suður af Skjaldbreið. Einn skjálfti mældist norður af Hrútfelli og einn skjálfti rétt vestur af Tungnafellsjökli.

11 smáskjálftar mældust við Herðubreið og Herðubreiðartögl, allir um og undir einn að stærð. 5 skjálftar mældust við Öskju.

Mýrdalsjökull

13 skjálftar mældust innan Kötluöskjunnar sá stærstu af stærð 2,7. Fjórir skjálftar mældust á Torfajökulssvæðinu.

Jarðvakt