	Veðurstofa Íslands Jarðeðlissvið

Jarðskjálftar 20220131 - 20220206, vika 05

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Um 790 jarðskjálftar mældust með SIL-jarðskjálftamælikerfi Veðurstofunnar í liðinni viku, svipað og í vikunni á undan. Stærsti skjálfti vikunnar var 4,1 að stærð í Mýrdalsjökli þann 2. febrúar kl. 19:10. Tveir skjálftar yfir 3 að stærð mældust í jöklinum stuttu eftir þann skjálfta. Um 30 skjálftar mældust í Mýrdalsjökli í vikunni. Hrinan vestan við Ok stendur enn yfir. Kl. 00:05 þann 1. febrúar mældist þar skjálfti af stærðinni 3,7 og annar af stærðinni 3,0 kl. 01:15. Fjórir skjálftar mældust í og við Heklu, um tugur skjálfta í Bárðarbungu og 30 í Öskju.

Reykjanesskagi og Reykjaneshryggur

Tæplega 320 jarðskjálftar mældust á Reykjanesskaga í vikunni. Sá stærsti var 2,5 að stærð rétt austan við Kleifarvatn þann 5. febrúar. Virknin dreifðist um skagann, oft í litlum þyrpingum smáskjálfta. Um 130 skjálftar mældust við Fagradalsfjall. Nokkrir skjálftar mældust í Brennisteins- og Bláfjöllum og örfáir á Reykjaneshrygg nálægt landi

Suðurland

Rúmlega 50 jarðskjálftar mældust á Suðurlandi í liðinni viku. Nokkrir smáskjálftar mældust í Þrengslunum og rúmlega 20 á Hengilssvæðinu. Þar mældist stærsti skjálftinn á svæðinu, 2,2 að stærð þann 2. febrúar. Nokkrir skjálftar mældust á Suðurlandsbrotabeltinu og tæpur tugur skjálfta mældist í Vatnafjöllum. Fjórir skjálftar mældust í og við Heklu.

Austurgosbeltið

Um 30 skjálftar voru staðsettir í Kötluöskjunni í Mýrdalsjökli sem flestir urðu að kvöldi 2. febrúar. Stærsti skjálftinn mældist 4,1 að stærð kl. 19:10. Stuttu síðar, kl. 19:44 varð skálfti af stæðinni 3,4 og kl. 20:44 varð skjálfti af stærðinni 3,3. Sex skjálftar voru staðsettir í Torfajökulsöskjunni.

Rúmlega 20 skjálftar mældust undir Vatnajökli í liðinni viku. Tæpur tugur skjálfta mældist í Bárðarbunguöskjunni, sá stærsti 2,6 að stærð. Tveir djúpir smáskjálftar voru einnig staðsettir austan við öskjuna. Fjórir smáskjálftar urðu í og rétt sunnan við Grímsvötn. Tveir smáskjálftar voru staðsettir nærri Þórðarhyrnu í sunnanverðum Vatnajökli og tveir á Lokahrygg.

Norðurgosbeltið

Tæplega 30 jarðskjálftar voru staðsettir í Öskju, flestir þeirra í austanverðri öskjubrúninni og allir undir 2 að stærð. Rúmlega tugur smáskjálfta voru staðsettir við Herðubreið og Herðubreiðartögl. Einn skjálfti mældist í Trölladyngju.

Tæpur tugur smáskjálfta mældist á Kröflusvæðinu.

Tjörnesbrotabeltið

Rúmlega 40 skjálftar voru staðsettir á Tjörnesbrotabeltinu í vikunni, allir undir 2 að stærð. Mesta virknin var á Grímseyjarbeltinu þar sem um 25 skjálftar mældust. Tæplega 20 skjálftar mældust á Húsavíkur-Flateyjarmisgenginu.

Vesturgosbeltið og Vesturland

Hrinan vestan við Ok sem hófst í lok desember stendur enn yfir. Í liðinni viku mældust þar tæplega 270 skjálftar, sá stærsti var 3,7 að stærð þann 1. febrúar kl. 00:05. Hann fannst víða á Vesturlandi og á höfuðborgarsvæðinu. Stuttu síðar, kl. 01:15 mældist skjálfti af stærðinni 3,0. Hann fannst í Borgarnesi. Mesta virknin í hrinunni var þennan dag þegar tæplega 100 skjálftar mældust á svæðinu.

Einn skjálfti mældist við Geitlandsjökul í Langjökli. Tveir skjálftar mældust í Hofsjökli.

Jarðvakt