	Veðurstofa Íslands Jarðeðlissvið

Jarðskjálftar 20220321 - 20220327, vika 12

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 430 jarðskjálftar mældust með SIL-jarðskjálftamælakerfi Veðurstofunnar í síðustu viku, sem er svipaður fjöldi í síðustu viku en þá mældust um 400 skjálftar. Stærsti skjálftinn mældist 4,1 að stærð þann 25. mars kl. 7:02, hann var staðsettur í suðaustanverðri Bárðarbunguöskjunni. Um 170 skjálftar mældust á Reykjanesskaga. Tveir skjálftar mældust við Grímsvötn, rúmlega 10 skjálftar í Öskju og svipaður fjöldi við Mýrdalsjökul.

Suðurland

Rúmlega 100 skjálftar mældust á Suðurlandi í vikunni. Stærsti skjálftinn var 2,2 að stærð þann 23. mars í Vatnafjöllum. Um 50 skjálftar mældust á Hengilssvæðinu í vikunni; þar var þyrping skjálfta við Húsmúla og önnur norðaustan Hveragerðis. Um 20 skjálftar mældust í Þrengslunum og rúmlega 20 skjálftar á Suðurlandsbrotabeltinu.

Reykjanesskagi

Um 170 skjálftar mældust á Reykjanesskaga í liðinni viku. Stærsti skjálftinn var 2,6 að stærð þann 24. mars kl. 15:01, um 2 km. norðan Grindavíkur. Virknin á Reykjanesskaga var aðallega bundin við Reykjanes, svæðið norðan Grindavíkur, Fagradalsfjall og nágrenni Kleifarvatns. Rúmlega 20 skjálftar mældust á Reykjaneshrygg í liðinni viku.

Norðurland

Tæplega 70 jarðskjálftar voru staðsettir á Norðurlandi í liðinni viku. Um 50 þeirra voru staðsettir á Tjörnesbrotabeltinu, flestir á Grímseyjarbeltinu. Allir skjálftarnir voru undir 2 að stærð. Þyrping skjálfta mældist á Keldunessheiði og nokkrir smáskjálftar mældust við Þeistareyki og í Kröflu.

Hálendið

Um 30 skjálftar mældust undir Vatnajökli í liðinni viku. Stærsti skjálftinn var 4,1 að stærð í Bárðarbungu þann 25. mars kl. 7:02. Það var jafnframst stærsti skjálfti vikunnar. Um tugur skjálfta mældist í Bárðarbungu í vikunni og tæplega tugur djúpra skjálfta mældist austan við Bárðarbungu. Nokkrir skjálftar mældust á Lokahrygg, tveir í nágrenni Grímsvatna og einn í Kverkfjöllum.

Norðan Vatnajökuls mældust rúmlega 20 skjálftar, sá stærsti var 2,2 við Öskju. Virknin skiptist jafnt á milli Öskju og nágrenni Herðubreiðar.

Vesturland

Á Vesturlandi mældist einn skjálfti við Grjótárvatn, einn skjálfti mældist vestan við Ok og einn í Tindaskaga sunnan Skjaldbreiðar.

Mýrdalsjökull

13 skjálftar mældust í og við Mýrdalsjökul, þar af sex í Kötluöskju. Flestir skjálftarnir voru um 1 að stærð. Stærsti skjálftinn var staðsettur í norðanverðri Kötluöskjunni og var 1,7 að stærð. Á Torfajökulssvæðinu mældust tveir skjálftar og var sá stærri 1,5 að stærð.

Jarðvakt