	Veðurstofa Íslands Jarðeðlissvið

Jarðskjálftar 20220411 - 20220417, vika 15

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 1500 jarðskjálftar voru staðsettir með SIL-mælakerfi Veðurstofu Íslands í vikunni, mun fleiri en vikuna á undan. Af þessum 1500 skjálftum hafa um 850 verið yfirfarnir handvirkt, óyfirfarnir skjálftar eru jarðskjálftar sem mældust í hrinu á Reykjanesskaga sem byrjaði þann 17. apríl. Níu skjálftar yfir 3 af stærð mældust í vikunni, sá stærsti var 3,9 að stærð um 7 km VSV af Reykjanestá, hann fannst víða á Reykjanesinu. Þar urðu sex skjálftar yfir 3 að stærð, en hinir þrír skjáfltarnir yfir 3 að stærð mældust um 6 km NA við Reykjanestánna. Þann 11. apríl hófst smá hrina varð um 8 km NV af Hveravöllum þar sem um 60 skjálftar mældust. Önnur virkni var dreifð um landið.

Suðurland

Um 30 jarðskjálftar mældust á Suðurlandi í vikunni og var virknin frekar dreifð um svæðið. Um tugur skjálfta mældist á Hengilsvæðinu og við Vatnafjöll. Stærsti skjálftinn á suðurlandi var af stærð 2,4 í Vatnafjöllum. Einn skjálfti mældist í Heklu og var hann 1 að stærð.

Reykjanesskagi

Um 1300 jarðskjálftar í heildina mældust á Reykjanesskaga og Reykjaneshrygg í vikunni. Þar af eru um 620 skjálftar yfirfarnir. Af þessum 1250 skjálftum voru rúmlega 1000 þeirra á Reykjanesskaganum en um 200 rétt VSV af Reykajnestá. Jarðskjálftahrina hófst um 6 km NA af Reykjanestá þann 12. Apríl. Sex skjálftar yfir 3 af stærð urðu á þeim slóðum og var stærsti skjálfti vikunnar þar kl. 21:21, 3,9 að stærð, hann fannst víða á Reykjanesinu. Önnur hrina hófst um 7 km VSV af Reykjanestá þann 17. apríl, en þar mældust þrír skjálftar yfir 3 að stærð. Aðrir skjálftar voru nokkuð dreifðir um Reykjanesskagann, en nokkrar skjálfta þyrpingar voru að finna á vestanverðum Reykjanesskaganum.

Norðurland

Tæplega 40 jarðskjálftar mældust á Norðurlandinu í vikunni, mun færri skjálftar en vikuna á undan. Mesta virknin var í Öxarfirði og á Grímseyjarbeltinu. Fimm smáskjálftar mældust rétt við Húsavík. Fimm skjálftar mældust við Kröflu og þrír skjáfltar við Bæjarfjall.

Hálendið

Um 60 skjálftar mældust undir Vatnajökli í liðinni viku, aðeins fleiri en vikuna á undan þegar þeir voru um 40. Í Bárðarbungu mældust 17 skjálftar, sá stærsti var 2,8 að stærð þann 17. apríl kl. 09:45. Þrír smáskjálftar mældust á djúpa svæðinu í bergganginum. Í Grímsvötnum mældust ellefu jarðskjálftar, stærsti 2,1 að stærð þann 11. apríl kl. 13:02. Einn smáskjálfti mældist við Vestari Skaftárketilinn og þrír við þann Eystri. Þrír skjálftar mældust við Esjufjöll og þrettán skjálftar mældust í Skeiðarárjökli.

Í Herðubreið og Herðubreiðartöglum mældust um 20 skjálfta, allir undir 1,5 að stærð. Sex skjálftar mældust í og við Öskju og var stærsti skjálftinn þar 1,9 að stærð.

Þann 11. nóvember hófst smá hrina um 8 km NV af Hveravöllum þar sem um 60 skjálftar mældust. Stærsti skjálftinn á svæðinu var 2,9 að stærð. Fjórir skjáfltar mældust í og við Langjökul. Þrír smáskjálftar mældust í Hofsjökli og tveir smáskjálftar norður af Hofsjökli. Einn skjálfti mældist við Grjótavatn á Vesturlandi.

Mýrdalsjökull

Sex smáskjálftar mældust í og við Kötluöskjuna í vikunni, þrír á Torfajökulsvæðinu og þrír rétt vestur við Eldgjá.

Nánar er hægt að skoða skjálftavirkni á landinu í Skjálfta-Lísu

Jarðvakt