	Veðurstofa Íslands Jarðeðlissvið

Jarðskjálftar 20220418 - 20220424, vika 16

PostScript-skrá
Forrit sem les PostScript-skrár má nálgast hér

Sérkort af

[Mýrdals- og Eyjafjallajökli]

[Norðurlandi]

Lýsing á skjálftavirkni vikunnar

Rúmlega 1250 jarðskjálftar voru staðsettir með SIL-mælakerfi Veðurstofu Íslands í vikunni, færri en vikuna á undan þegar 1500 mældust. Af þessum 1250 skjálftum hafa um 1100 verið yfirfarnir handvirkt. Flestir óyfirfarnir skjálftar eru jarðskjálftar sem mældust í hrinu við Þorbjörn sem byrjaði þann 22. apríl. Önnur hrina byrjaði á sama tíma í Öxarfirði. Mesta virkni var við Þorbjörn og önnur virkni var dreifð um landið. Stærsti skjálfti í vikunni var 2,9 að stærð, þann 18. apríl við Eystri Skaftárketil. Ekki varð skjáfti við Heklu í vikunni.

Suðurland

Rúmlega 50 jarðskjálftar mældust á Suðurlandi í vikunni og var virknin frekar dreifð um svæðið. Um þrátiu skjálftar mældust á Hengilsvæðinu og við Vatnafjöll. Stærsti skjálftinn á suðurlandi var af stærð 2,4 rétt vestur af Þingvallavatni. Ekki varð skjáfti við Heklu í vikunni.

Reykjanesskagi

Um 750 jarðskjálftar í heildina mældust á Reykjanesskaga og Reykjaneshrygg í vikunni. Þar af eru um 650 skjálftar yfirfarnir. Jarðskjálftahrina hófst við Þorbjörn þann 22. apríl og mældust flestir skjálftar þar. Aðrir skjálftar voru nokkuð dreifðir um Reykjanesskagann en nokkrar skjálfta þyrpingar var að finna á vestanverðum Reykjanesskaganum. Stærsti skjálfti var 2,7 að stærð, þann 19. apríl, rétt vestur af Kleifarvatni. Um 30 skjálftar mældust á Reykjaneshrygg í vikunni, sá stærsti 2,3 að stærð, þann 22. apríl. Skjálftarnir voru flestir nálægt Reykjanestá.

Norðurland

Rúmlega 200 jarðskjálftar mældust á Norðurlandi í vikunni, mun fleiri skjálftar en vikuna á undan, þegar 40 mældust. Mesta virknin var í Öxarfirði og á Grímseyjarbeltinu og stærsti skjálfti þar var 2,1 að stærð, þann 23. apríl. Við Húsavík mældist skjálfti 2,0 að stærð og nokkrir skjálftar mældust norður af Gjögurtá, sá stærsti 2,4 að stærð, þann 24. apríl. Aðrir skjálftar mældust í mynni Eyjafjarðar. Fjórir smáskjálftar mældust við Kröflu og sjö við Bæjarfjall.

Hálendið

Tæplega 140 skjálftar mældust á Hálendinu í liðinni viku. Þar af um 65 skjálftar undir Vatnajökli, álíka margir og vikuna á undan þegar þeir voru um 60. Í Bárðarbungu mældust tíu skjálftar, sá stærsti var 2,2 að stærð þann 22. apríl kl. 12:34. Rúmlega 10 smáskjálftar mældust á djúpa svæðinu í bergganginum. Í Grímsvötnum mældust átta jarðskjálftar, allir undir einn af stærð. Tveir smáskjálftar mældust við Vestari Skaftárketilinn og tveir við þann Eystri. Stærsti skjálfti í vikunni var 2,9 að stærð, þann 18. apríl við Eystri Skaftárketill. Tæplega 20 smáskjálftar mældust norðaustur af Skeiðarárjökli.

Í Herðubreið og Herðubreiðartöglum mældust um 20 skjálftar, allir undir 1,4 að stærð og um 13 skjálftar mældust í og við Öskju og var stærsti skjálftinn þar 1,8 að stærð.

Norður af Hveravöllum mældust um 30 skjálftar, sá stærsti var 2,4 að stærð. Þrír smáskjálftar mældust í og við Langjökul, nálægt Þórisdal.

Mýrdalsjökull

Tíu smáskjálftar mældust í og við Kötluöskjuna í vikunni og þrír á Torfajökulsvæðinu, allir minni enn 1,3 að stærð. Ekki mældust skjálftar í Eyjafjallajökli.

Nánar er hægt að skoða skjálftavirkni á landinu í Skjálfta-Lísu

Jarðvakt